Uno Canolfan Iechyd Llanilar a Grŵp Meddygol Ystwyth
23 Tachwedd 2023
Mae'r bwrdd iechyd yn falch o gefnogi uno Canolfan Iechyd Llanilar a Grŵp Meddygol Ystwyth i sicrhau cynaliadwyedd gwasanaethau meddygon teulu yn Aberystwyth a Llanilar. Mae tîm y practis yn rhannu'r wybodaeth ganlynol gyda ni fel y corff comisiynu ac wedi gofyn i'r bwrdd iechyd rannu'r wybodaeth ag aelodau o'n cymuned.
Uno Canolfan Iechyd Llanilar a Grŵp Meddygol Ystwyth – neges i gleifion cofrestredig
Fel y gwyddoch efallai yn gynharach eleni, daeth Dr Deanna Evans yn feddyg teulu ar ei ben ei hun yng Nghanolfan Iechyd Llanilar. Mae hyn yn golygu mai Dr Evans yn unig sy’n gyfrifol am redeg gwasanaethau’r practis a’r busnes, ac mae hyn yn dod yn fwyfwy anghynaladwy.
Er mwyn sicrhau y gellir darparu gwasanaethau meddygol cyffredinol i gleifion yng Nghanolfan Iechyd Llanilar, mae Dr Evans wedi agor trafodaethau gyda Phartneriaid Meddygon Teulu yng Ngrŵp Meddygol Ystwyth yn Aberystwyth. Ar ôl misoedd lawer o drafod, mae'r ddwy Feddygfa wedi cytuno mai'r ffordd orau ymlaen yw i ni uno i ffurfio Practis sengl newydd, fel y byddwn yn parhau i ddarparu gofal i gleifion yng Nghanolfan Iechyd Llanilar a Grŵp Meddygol Ystwyth. Disgwylir i'r uno hwn ddigwydd o 1 Ebrill 2024 ac mae'r practisau'n brysur yn cynllunio ar gyfer hyn.
Bydd Dr Evans yn ymuno â Dr Davies, Dr Grahl a Dr Ellaban mewn partneriaeth a bydd y Meddygon Teulu yn dod â’r staff Practis sy’n gweithio yn y ddau bractis ar hyn o bryd ynghyd. Rydym yn rhagweld, trwy gydweithio i atgyfnerthu gwasanaethau, y gallwn barhau i ddenu clinigwyr o ansawdd uchel i'n tîm.
Beth mae hyn yn ei olygu i mi?
Os ydych wedi cofrestru ar hyn o bryd gyda naill ai Canolfan Iechyd Llanilar neu Grŵp Meddygol Ystwyth, yna byddwch yn parhau i fod yn glaf yn y bartneriaeth newydd. Nid oes angen i chi wneud unrhyw beth.
Ble byddaf yn gallu cael mynediad at ofal?
Fel claf yn y feddygfa unedig, byddwch yn gallu cael mynediad at wasanaethau yng Nghanolfan Iechyd Llanilar neu Grŵp Meddygol Ystwyth, yn dibynnu ar argaeledd apwyntiadau. Felly gallwch barhau i ddefnyddio’r Feddygfa sy’n lleol i chi, neu’r llall os yw hynny’n fwy cyfleus os ydych yn teithio i’r gwaith er enghraifft.
Beth fydd yr oriau agor?
Bydd Grŵp Meddygol Ystwyth yn parhau i fod ar agor rhwng 8am a 6.30pm o ddydd Llun i ddydd Gwener. Bydd Canolfan Iechyd Llanilar yn parhau ar agor gydag oriau agor diwygiedig a bydd clinigwyr ar y safle bob dydd o ddydd Llun i ddydd Gwener. Bydd y Fferyllfa yn aros yn Llanilar ac ar agor yn ddyddiol. Byddwn yn cynnal ymarfer dros yr wythnosau nesaf i edrych ar yr amseroedd brig pan ddefnyddir y Fferyllfa i wneud yn siŵr bod y gwasanaeth pwysig hwn yn parhau i fod ar gael i'n cleifion.
Os wyf yn glaf Grŵp Meddygol Ystwyth, a allaf gasglu fy meddyginiaeth o’r Fferyllfa yn Llanilar?
Mae gwasanaethau fferyllfa ar gael i gleifion sy'n byw mwy na milltir o Fferyllfa Gymunedol ac sydd wedi'u cofrestru gyda Phractis Meddyg Teulu Cyflenwi.
Ble gallaf gael rhagor o wybodaeth?
Mae’r cynllunio ar gyfer yr uno practisau yn y gwanwyn ar y gweill a byddwn yn rhannu mwy o fanylion ar ein gwefannau wrth i’r cynlluniau fynd rhagddynt, a thrwy’r cymorthfeydd.
Mae’r Practisau’n cyd-drefnu digwyddiad galw heibio ymgysylltu â’r cyhoedd yn Llanilar yn yr wythnosau nesaf a bydd hwn yn gyfle i gleifion sydd wedi cofrestru yn y naill Feddygfa neu’r llall gwrdd ag aelodau o dîm cyfun newydd y Practis, ynghyd â’r cyfle i ofyn unrhyw gwestiynau a allai fod gennych a cael gwybod sut y bydd gwasanaethau'n cael eu darparu gan y Practis sydd newydd ei uno. Mae croeso i bob claf a rhanddeiliad lleol alw i mewn i’r digwyddiad, a bydd mwy o fanylion ar gael pan fydd y dyddiad wedi’i gadarnhau.
Mae ein cleifion yn hynod o bwysig i ni, a gobeithiwn y byddwch yn parhau i gynnig yr un lefel o gefnogaeth i ni ag yr ydych wedi ei wneud yn hanesyddol wrth i ni symud ymlaen yn ein partneriaeth newydd.
Yn y cyfamser, cyn yr uno yn y gwanwyn, a fyddech cystal â pharhau i ddefnyddio gwasanaethau fel arfer yn y practis yr ydych wedi cofrestru ynddo.
Diolch
Dr Deanna Evans - Canolfan Iechyd Llanilar
Dr Gail Davies, Dr Steffi Grahl, Dr Ellaban - Grŵp Meddygol Ystwyth
Os oes gennych unrhyw gwestiynau am y newid hwn, nad ydynt wedi'u hateb uchod, gofynnwch i aelod o staff y feddygfa pan fyddwch yn ymweld â meddygfeydd Llanilar neu Ystwyth nesaf, neu ffoniwch 01970 613500 a dewiswch opsiwn 5.