Mae canolfannau Brechu Torfol BIP Hywel Dda yn symud i apwyntiad yn unig

16 Awst 2022
 

O 31 Awst 2022, bydd mynediad i Ganolfannau Brechu Torfol (MVCs) yn Sir Gaerfyrddin, Ceredigion a Sir Benfro ar gyfer brechiadau COVID-19 trwy apwyntiad yn unig i baratoi ar gyfer dechrau rhaglen brechlyn y gaeaf.

Cynghorir unrhyw un sy’n dymuno galw heibio am ei ddos cyntaf neu ei ail ddos yn ystod mis Awst i wirio amseroedd agor ar y diwrnod cyn teithio trwy ymweld â https://biphdd.gig.cymru/gofal-iechyd/gwybodaeth-covid-19/rhaglen-frechu-covid-19/canolfannau-brechu-torfol/ neu ffoniwch 0300 303 8322 gan y gall y rhain newid. Os oes angen dos atgyfnerthu arnoch o hyd, arhoswch i gael cynnig apwyntiad.

O 31 Awst 2022 ymlaen, trefnwch apwyntiad drwy ffonio 0300 303 8322 neu e-bostio COVIDEnquiries.hdd@wales.nhs.uk

Dywedodd Bethan Lewis, Cyfarwyddwr Cynorthwyol Dros Dro Iechyd Cyhoeddus, Bwrdd Iechyd Prifysgol Hywel Dda: “Trwy gydol y rhaglen frechu rydym wedi ceisio gwneud y brechlyn ar gael yn hawdd trwy gyfuniad o sesiynau galw heibio ac apwyntiadau. Bydd y newid hwn yn ein galluogi i gyflawni’r frechlyn COVID-19 mewn partneriaeth â gwasanaethau gofal sylfaenol a lleihau’r risg o ddyblygu neu wastraffu brechlyn.

“Os ydych chi’n gymwys i gael dos atgyfnerthu COVID-19 yr hydref, arhoswch i gael gwahoddiad naill ai gan eich meddyg teulu neu’r bwrdd iechyd. Bydd pawb sy'n gymwys yn cael cynnig apwyntiad erbyn mis Tachwedd.

“Mae practisau meddygon teulu hefyd yn paratoi i wahodd cleifion cymwys ar gyfer eu brechlyn ffliw tymhorol a’u nod yw cynnig apwyntiad i bawb sy’n gymwys erbyn mis Rhagfyr. Unwaith eto, peidiwch â chysylltu â’ch practis meddyg teulu ar hyn o bryd, byddwch yn cael eich gwahodd pan ddaw eich tro.”

Bydd sesiynau galw heibio wedi'u hamserlennu ar gyfer plant a phobl ifanc sy'n cael eu haddysgu gartref neu nad ydynt mewn addysg i gael mynediad at frechiadau plentyndod a gynigir yn rheolaidd trwy dimau nyrsio ysgol yn parhau fel yr hysbysebwyd mewn MVCs dethol.

Bydd gweddill y sesiynau galw heibio ar gyfer plant 5 i 17 oed yn cael eu cynnal rhwng 12pm a 6pm yn y lleoliadau canlynol:

• Campws Llanbadarn, SY23 3AS) – Dydd Mawrth 30 Awst
• Canolfan Caerfyrddin (Y Gamfa Wen, Prifysgol y Drindod Dewi Sant, SA31 3EP) – Dydd Gwener 2 Medi
• Canolfan Cwm Cou (Ysgol Trewen, SA38 9PE) –Dydd Llun 22 Awst
• Canolfan Hwlffordd (Archifdy Sir Benfro, SA61 2PE) – Dydd Mercher 31 Awst
• Canolfan Llanelli (Ystad Ddiwydiannol Dafen, SA14 8QW) – Dydd Mawrth 23 Awst

Mae croeso hefyd i rieni sydd ag ymholiadau am unrhyw agwedd ar imiwneiddiadau eu plentyn alw i mewn am sgwrs anffurfiol.

Os na allwch ddod i un o'r sesiynau hyn a bod gennych unrhyw ymholiadau neu'n dymuno i'ch plentyn gael ei frechlynnau wedi'u hamserlennu, llenwch y ffurflen sydd ar gael yma https://biphdd.gig.cymru/gofal-iechyd/gwasanaethau-a-thimau/imiwneiddio-a-brechu/brechu-plant-a-phobl-ifanc/mynediad-at-frechly-i-blant-syn-cael-eu-haddysgu-gartref/ neu ffoniwch 0300 303 8322 i aelod o dîm nyrsio imiwneiddio’r bwrdd iechyd gysylltu â chi.

I gael rhagor o wybodaeth am raglen brechlyn y gaeaf a chymhwysedd ar gyfer y brechlynnau COVID-19 a ffliw, ewch i https://llyw.cymru/rhaglen-frechur-gaeaf-yn-erbyn-feirysau-anadlol-cynnwys-hydref-gaeaf-2022-i-2023