Mae digwyddiadau coffa Hywel Dda yn cefnogi teuluoedd yr effeithiwyd arnynt gan golli baban
14 Medi 2026
Cynhelir Wythnos Ymwybyddiaeth Colli Babanod yn flynyddol (9-15 Hydref) i godi ymwybyddiaeth o golli babanod mewn beichiogrwydd, ac i gofio babanod annwyl, a chefnogi'r y bywydau pobl sydd wedi cael eu cyffwrdd trwy y brpfediageth lem. Daw'r wythnos i ben gyda'r Don o Oleuni ryngwladol, pan fydd pobl ledled y byd yn goleuo canhwyllau er cof am fabanod a fu farw'n rhy gynnar.
Mae Tîm Gofal Ysbrydol Hywel Dda, ynghyd â gwasanaethau mamolaeth a gynaecoleg, wedi ymrwymo i gefnogi rhieni a theuluoedd sydd wedi colli plentyn yn dilyn genedigaeth farw, colled yn ystod beichiogrwydd neu farwolaeth baban.
Mae Wythnos Ymwybyddiaeth Colli Babanod yn amser nid yn unig i gofio ac anrhydeddu'r babanod hyn, ond hefyd i gydnabod yr effaith barhaol y mae eu colled yn ei chael ar rieni, aelodau ehangach o'r teulu, ffrindiau a'r gweithwyr gofal iechyd proffesiynol sydd wedi'u cefnogi.
Drwy gydol yr wythnos, bydd goleuadau glas a phinc yn goleuo yn y Capel/Ystafelloedd Tawel yn ysbytai Bronglais, Glangwili, Tywysog Philip a Llwynhelyg er cof. Yn ogystal, bydd adeiladau cyhoeddus ledled rhanbarth Hywel Dda yn cael eu goleuo i gefnogi Wythnos Ymwybyddiaeth o Golli Babi.
Cynhelir cyfres o ddigwyddiadau coffa hefyd ar draws ardal Hywel Dda, gan gynnig lle diogel a thynrt i rieni, teuluoedd a ffrindiau sydd yn galaru colled or fath r ddod at ei gilydd, i fyfyrio ac i ddathlu bywydau babanod a fydd yn y cof am byth. Bydd aelodau o dimau'r Bwrdd Iechyd yn bresennol i gynnig cefnogaeth yn ystod y cyfarfodydd hyn.
- Sir Benfro
Dydd Mawrth 6 Hydref 2026 am 7yh.
Lleoliad: Ysbyty Cyffredinol Llwyn Helyg, Hwlffordd - Capel / Ystafell Dawel
- Sir Gaerfyrddin
Dydd Mercher 14 Hydref 2026 am 4.30yp
Lleoliad: Amgueddfa Parc Howard, Llanelli, SA15 3LJ
Bydd seremoni fer a blodau ffres yn cael eu gosod ar y garreg goffa er cof am fabanod sydd wedi marw’n rhy fuan.
Oherwydd y tywydd posib, bydd rhan gyntaf y gwasanaeth yn digwydd yng nghyntedd mynedfa Amgueddfa Parc Howard. Mae'r bwrdd iechyd yn ddiolchgar i staff Parc Howard, Cyngor Tref Llanelli a Chyngor Sir Caerfyrddin am eu cefnogaeth. Mae parcio ar y stryd ar gael ar Rhodfa Parc Howard.
- Ceredigion
Dydd Iau 15 Hydref 2026 am 6.30yh
Lleoliad: Yr Atriwm (Y Cyntedd), Canolfan Rheidol, Cyngor Sir Ceredigion, Llanbadarn Fawr, Aberystwyth, SY23 3GA
Bydd y gwasanaeth hwn yn arwain i mewn i Don Fyd-eang y Goleuni – Dydd Iau 15 Hydref, 7.00 pm
Gwahoddir chi'n gynnes i ymuno â ni trwy oleuo cannwyll gartref neu mewn man cymunedol am 7.00 yh (defnyddiwch ganhwyllau sy'n cael eu pweru gan fatris lle bo modd a chymerwch ofal os ydych chi'n defnyddio fflamau go iawn)
Dywedodd Euryl Howells, Uwch Gaplan Bwrdd Iechyd Prifysgol Hywel Dda: “Mae Wythnos Ymwybyddiaeth Colli Babanod yn gyfle pwysig i gofio a dathlu bywydau babanod sy’n cael eu caru’n enfawr ac na chânt eu hanghofio byth.
“Trwy ein gwasanaethau coffa, y Ton y Goleuni a munudau personol o fyfyrio, rydym yn creu cyfleoedd i deuluoedd, ffrindiau a staff anrhydeddu bywydau gwerthfawr a dod o hyd i gysur trwy ddod at eu gilydd ac yn y sicrwydd o wybod eu bod wedi’u hamgylchynu gan ddealltwriaeth, tosturi a gofal tyner.”
Os na allwch fynychu y digwyddiad(au) ond y byddech yn dymuno danfon neges ymlaen i gael eich i’w gyflwyno a’i gynnwys, anfonwch e-bost at loved.forever.hdd@wales.nhs.uk
Os oes angen rhagor o gymorth neu wybodaetg arnoch neu os ydych wedi cael eich effeithio gan Wythnos Ymwybyddiaeth Colli Babanod, cysylltwch ag Euryl Howells, Uwch Gaplan Bwrdd Iechyd Prifysgol Hywel Dda ar euryl.howells2@wales.nhs.uk neu ffoniwch 01267 227563