Hywel Dda ar flaen y gad

6 Hydref 2026

Bwrdd Iechyd Prifysgol Hywel Dda yw'r cyntaf yng Nghymru i ddefnyddio anadlydd arbennig ar gyfer lleddfu poen – sy'n cael ei ddefnyddio fel arfer mewn sefyllfaoedd gofal brys – ar gyfer cleifion allanol gynaecoleg.   

O, dydd Llun 5 Hydref, bydd y Tîm Gynaecoleg yn dechrau cynllun peilot tri mis gan ddefnyddio Penthrox® – anadlydd lleddfu poen sy'n gweithio'n gyflym ac yn cael ei reoli gan y claf – i gefnogi cleifion sy'n cael triniaethau gynaecoleg fel cleifion allanol. 

Dywedodd Helen Frise Jones, Nyrs Arbenigol Glinigol mewn Oncoleg Gynaecolegol yn Hywel Dda: "Gall llawer o driniaethau gynaecolegol fod yn anghyfforddus ac achosi pryder i gleifion. Nod y cynllun peilot hwn yw gwneud y profiadau hyn yn fwy cyfforddus, yn haws eu rheoli ac yn llai straenus drwy gynnig dull effeithiol o leddfu poen yn ystod y driniaeth. 

"Mae Penthrox® eisoes yn cael ei ddefnyddio'n eang ac yn ddiogel mewn lleoliadau gofal brys. Drwy ei gyflwyno i wasanaethau cleifion allanol gynaecoleg, ni fydd y bwrdd iechyd cyntaf yng Nghymru i gynnig yr opsiwn arloesol hwn i gleifion." 

Mae gan y cynllun peilot y potensial i wella cysur cleifion ac ar yr un pryd leihau'r angen am anesthetig cyffredinol mewn achosion dethol. Gallai hyn helpu i symleiddio gofal a chyflymu llwybrau diagnostig pwysig, gan gynnwys y llwybr ar gyfer achosion brys lle mae amheuaeth o ganser, gan leihau amseroedd aros o tua dwy i dair wythnos o bosibl. 

Drwy gydol y cynllun peilot, bydd y tîm yn casglu ac yn adolygu adborth gan gleifion er mwyn deall yn well effaith Penthrox® ar brofiad y claf, llwybrau triniaeth a darpariaeth gwasanaethau. Bydd y canfyddiadau'n helpu i benderfynu sut y gall y dull hwn gyfrannu at wella gofal cleifion a mynediad at driniaeth amserol yn y dyfodol. 

Dywedodd Helen Frise Jones, Nyrs Arbenigol Glinigol mewn Oncoleg Gynaecolegol: 

"Rydym yn falch iawn o gyflwyno Penthrox® fel rhan o'r cynllun peilot hwn. Ein blaenoriaeth bob amser yw darparu'r profiad gorau posibl i gleifion. Mae bod y bwrdd iechyd cyntaf yng Nghymru i gynnig hyn ym maes cleifion allanol gynaecoleg yn gam cyffrous ymlaen i'n gwasanaeth. 

"Mae'r fenter hon yn adlewyrchu ymrwymiad y tîm i wella gofal sy'n canolbwyntio ar y claf ac i archwilio ffyrdd arloesol o wella profiad y claf a chanlyniadau clinigol."