Newidiadau graddol i ofynion gwisgo masgiau yn ysbytai a lleoliadau gofal iechyd Hywel Dda

27 Ionawr 2026

Yn dilyn adolygiad o'r lefelau heintio presennol, mae Bwrdd Iechyd Prifysgol Hywel Dda yn gwneud newid graddol i ofynion gwisgo masgiau ar draws ei ysbytai a'i wasanaethau gofal iechyd..

Cyflwynwyd gwisgo masgiau cyffredinol ym mis Rhagfyr fel rhan o fesurau gwytnwch y gaeaf i leihau lledaeniad heintiau anadlol, gan gynnwys ffliw a COVID-19.

Tra bo lefelau heintiau ar draws safleoedd byrddau iechyd ar hyn o bryd yn isel ac yn sefydlog mae firysau anadlol yn dal i gylchredeg yn ein cymunedau. M mae pwysau parhaus ar wasanaethau yn golygu y bydd gwisgo masgiau yn parhau i fod ar waith mewn ardaloedd risg uwch.

Bydd gwisgo masgiau yn parhau mewn ardaloedd drws ffrynt dynodedig a lle mae cleifion yn fwy agored i haint:

Adrannau Argyfwng
Unedau Mân Anafiadau (MIU) / Gofal Brys yr Un Diwrnod (SDUC)
Unedau Asesu Meddygol Acíwt (AMAU)
Gofal Brys yr Un Diwrnod (SDEC)

Meddygon teulu y tu allan i oriau a phwyntiau mynediad gofal sylfaenol bryBydd masgiau hefyd yn parhau i fod yn eu lle mewn amgylcheddau clinigol sy'n gofalu am gleifion mwy agored i niwed, fel unedau oncoleg a haematoleg, unedau arennol a dialysis, gofal critigol, ardaloedd cleifion mewnol newyddenedigol a mamolaeth, ac unrhyw ward neu adran sy'n rheoli achosion.

Bydd cleifion, defnyddwyr gwasanaeth ac ymwelwyr yn parhau i gael cynnig masgiau wrth fynychu'r lleoliadau hyn.

Y tu allan i'r ardaloedd hyn, bydd gwisgo masgiau yn ddewisol i staff, cleifion ac ymwelwyr ac yn seiliedig ar ddewis unigol, asesiad risg personol a barn glinigol lle bo angen.

Dywedodd Sharon Daniel, Cyfarwyddwr Gweithredol Nyrsio, Ansawdd a Phrofiad Cleifion ym Mwrdd Iechyd Prifysgol Hywel Dda: "Rydym yn gwybod pa mor bwysig yw hi i'n cleifion, ein staff a'n cymunedau deimlo'n ddiogel wrth ddefnyddio ein gwasanaethau. Er bod lefelau heintio yn isel ar hyn o bryd, rydym yn cymryd agwedd ofalus a chytbwys trwy gadw gwisgo masgiau mewn ardaloedd ble mae'r risg o amlygiad yn uwch.

"Diolch i'n staff am eich proffesiynoldeb parhaus a'ch ymrwymiad i amddiffyn y rhai rydyn ni'n gofalu amdanynt ac i gleifion ac ymwelwyr am wneud eu rhan i leihau lledaeniad heintiau."

Mae atal derbyniadau i'r ysbyty sy'n gysylltiedig â'r ffliw yn gam hanfodol i gadw ein gwasanaethau i redeg yn esmwyth y gaeaf hwn. Mae cael eich brechu yn ffordd ddiogel ac effeithiol o amddiffyn eich hun a'ch anwyliaid. I ddarganfod a ydych chi'n gymwys i gael brechlyn ffliw a sut i gael eich un chi, ewch i'n gwefan brechiadau ffliw tymhorol (yn agor mewn tab newydd) neu cysylltwch â'r bwrdd iechyd ar 0300 303 8322 (opsiwn 1) neu e-bostiwch ask.hdd@wales.nhs.uk

Bydd y bwrdd iechyd yn parhau i fonitro cyfraddau heintio a phwysau gwasanaeth yn agos ac yn adolygu ei ymagwedd os bydd y sefyllfa'n newid.