Brechu rhag y ffliw tymhorol
Gall y ffliw fod yn ddifrifol iawn ac mae cael brechlyn ffliw bob blwyddyn yn un o'r ffyrdd gorau o amddiffyn rhag y ffliw.
Fe'i hachosir gan firws sy'n cael ei ledaenu gan beswch a thisian. Gall symptomau ffliw fod yn ysgafn ond gallant hefyd arwain at afiechydon mwy difrifol fel broncitis a niwmonia, a allai fod angen triniaeth yn yr ysbyty.
Os yw unrhyw un o'r canlynol yn berthnasol i chi, hyd yn oed os ydych chi'n teimlo'n iach, rydych chi'n fwy tebygol o gael cymhlethdodau o'r ffliw os byddwch chi'n ei ddal, ac fe'ch cynghorir i gael brechlyn ffliw os:
- Rydych chi'n feichiog
- Rydych chi'n 65 oed neu'n hŷn
- Rydych chi rhwng chwe mis a 64 oed ac mae gennych chi gyflwr iechyd hirdymor sy'n eich rhoi mewn mwy o berygl o gael y ffliw
- Rydych chi'n byw mewn cartref gofal
- Rydych chi'n ddigartref
- Rydych chi'n gweithio gyda dofednod, gwartheg neu foch ac rydych chi mewn perygl uchel
Cynghorir y grwpiau canlynol hefyd i gael brechlyn ffliw i'w hamddiffyn nhw a'r bobl o'u cwmpas:
- Plant dwy a thair oed (oedran ar 31 Awst 2026)
- Plant a phobl ifanc yn yr ysgol o'r dosbarth Derbyn i Flwyddyn 11
- Gofalwyr
- Pobl sy'n gweithio'n uniongyrchol gyda chleifion/cleientiaid ym maes iechyd neu ofal cymdeithasol
- Ymatebwyr cyntaf ac aelodau o sefydliadau gwirfoddol sy'n darparu cymorth cyntaf brys wedi'i gynllunio
- Y rhai sy'n byw gyda rhywun sydd â system imiwnedd wan
Os oes gennych gwestiynau am y brechlyn ffliw, cysylltwch â'n Hwb Cyfathrebu drwy ffonio 0330 303 8322 (Opsiwn 1) neu drwy e-bostio ask.hdd@wales.nhs.uk.
Gallwch ddysgu mwy am y brechlyn ffliw drwy ymweld ag wefan Iechyd Cyhoeddus Cymru (agor mewn dolen newydd).