Meddygfeydd teulu sy'n darparu gwasanaethau hanfodol

Mae Meddygfeydd Teulu yn gweithio'n galed i sicrhau bod gwasanaethau hanfodol yn parhau i redeg ar gyfer y cymunedau maen nhw'n eu gwasanaethu.

Yn ystod y pandemig hwn, bydd newidiadau dros dro i'r ffordd y gall cleifion gael mynediad at ofal a gwasanaethau hanfodol yn y gymuned i amddiffyn y gwasanaethau hyn tra'u bod dan bwysau.

 Mae meddygfeydd yn gwneud rhai trefniadau amgen ar gyfer eu cleifion fel:

• Defnyddio brysbennu ffôn (asesiad manwl gan feddyg teulu neu nyrs)

• Ymgynghoriadau ar-lein a fideo gyda chleifion lle bo hynny'n briodol

• Atal rhai gwasanaethau nad ydynt yn hanfodol a symud i adolygiadau ffôn lle bo hynny'n briodol

• Cyhoeddi sawl presgripsiwn yr un pryd lle mae'n ddiogel i wneud hynny

• Cau'r rhai meddygfeydd cangen i gydgrynhoi gwasanaethau

Bydd cleifion ag anghenion cymhleth yn parhau i dderbyn y gofal sydd ei angen arnynt fel yr aseswyd gan eu meddyg teulu.

Bydd rhai Meddygfeydd, a restrir yn y tabl isod, ar agor am gyfnod cyfyngedig dros benwythnos y Pasg. Byddant yn cynnig gwasanaethau hanfodol i gleifion y mae angen ymgynghoriad arnynt ar frys. Caiff cleifion eu hasesu dros y ffôn gan feddyg teulu neu nyrs a byddant yn cael cynnig ymgynghoriadau wyneb yn wyneb os yw hynny'n briodol yn glinigol. Gofynnir i gleifion gysylltu â'u meddygfa fel arfer os oes angen.

 
Mae llawer o Feddygfeydd yn sicrhau bod ail-bresgripsiynau ar gael i'w casglu'n uniongyrchol o'r Fferyllfa Gymunedol agosaf, gan osgoi'r angen i gleifion fynd i'r Feddygfa. Gall cleifion gadarnhau hyn gyda'u Meddygfa eu hunain.

Mae'r rhan fwyaf o Feddygfeydd wedi, neu wrthi'n defnyddio eConsult trwy eu gwefan. Mae'r gwasanaeth diogel ar-lein hwn yn galluogi meddygon teulu i gynnig ymgynghoriadau ar-lein i'w cleifion. Mae hyn yn caniatáu i gleifion gyflwyno manylion eu symptomau neu geisiadau yn electronig i'w Meddygfa i gael ymateb, ac mae'n cynnig gwybodaeth hunangymorth y GIG o amgylch y cloc, cyfeirio at wasanaethau, a gwiriwr symptomau. Gall cleifion gael mynediad i’r gwasanaeth hwn trwy ymweld â gwefan eu Meddyfga a dilyn y ddolen.

Dywedodd Jill Paterson, Cyfarwyddwr Gofal Sylfaenol, Gofal Cymunedol a Hirdymor ar gyfer Bwrdd Iechyd Prifysgol Hywel Dda:

“Rydym yn gweithio gyda Meddygfeydd Teulu ar fesurau rhagweithiol a darbodus y maent yn eu rhoi ar waith i sicrhau y gallant barhau i ddarparu gwasanaethau diogel a hanfodol i gleifion.

“Mae hwn yn gyfnod o her sylweddol i’r GIG yng Nghymru ac mae pob rhan o’r system yn gorfod ymateb yn gyflym ac yn bendant i amddiffyn gwasanaethau i gleifion a’r rhai mwyaf agored i niwed yn benodol.

“Rydym yn llwyr gefnogi ein partneriaid GMS am gymryd y mesurau hyn yn ystod y pandemig hwn.”

Rhaid i gleifion sydd angen mynychu apwyntiadau hanfodol gysylltu â'u Meddygfa cyn mynychu os ydyn nhw'n profi symptomau peswch newydd neu dymheredd. Diolch am eich cydweithrediad