Neidio i'r prif gynnwy

Dweud eich dweud ar wasanaethau fferyllol cymunedol lleol

9 Chwefror 2026

Mae Bwrdd Iechyd Prifysgol Hywel Dda yn gwahodd pobl ledled Sir Gaerfyrddin, Ceredigion a Sir Benfro i rannu eu barn ar wasanaethau fferyllol cymunedol lleol i gefnogi ailysgrifennu ei Asesiad Anghenion Fferyllol.

Mae Asesiadau Anghenion Fferyllol yn galluogi sefydliadau'r GIG i edrych ar ble mae fferyllfeydd wedi'u lleoli, y gwasanaethau maen nhw'n eu darparu, pa mor hygyrch ydyn nhw, ac a oes unrhyw fylchau neu gyfleoedd i wella dros gyfnod o bum mlynedd.

Bydd y safbwyntiau a ddarperir o'r arolwg hwn yn llywio ailysgrifennu'r asesiad. Ar ôl ei ailysgrifennu, bydd y bwrdd iechyd yn ymgynghori â'r cyhoedd, sefydliadau partner a rhanddeiliaid cyn i'r asesiad gael ei gwblhau a'i gyhoeddi yn ddiweddarach eleni.

Dywedodd Andrew Carruthers, Cyfarwyddwr Gweithrediadau Bwrdd Iechyd Prifysgol Hywel Dda: “Mae fferyllfeydd cymunedol yn chwarae rhan hanfodol wrth gefnogi iechyd a lles pobl ac yn aml nhw yw'r pwynt cyswllt cyntaf ar gyfer cyngor, triniaeth a chymorth iechyd.

“Mae eich adborth yn ein helpu i sicrhau bod gwasanaethau'n parhau i ddiwallu anghenion ein cymunedau nawr ac yn y dyfodol.”

Mae'r arolwg yn cau ddydd Llun 9 Mawrth 2026.

Gall pobl gymryd rhan drwy: