Diogelu eich hun gyda brechlyn ffliw a / neu COVID-19 wrth i sesiynau galw heibio ddechrau

Gyda ffliw yn cylchredeg yn y gymuned, mae Bwrdd Iechyd Prifysgol Hywel Dda yn annog pawb sy’n gymwys i alw heibio am eu brechlynnau ffliw a COVID-19 i helpu i amddiffyn eu hunain y gaeaf hwn.

Gall firysau ffliw a COVID-19 achosi salwch difrifol, yn enwedig mewn plant iau, unigolion sy’n agored i niwed yn glinigol ac oedolion hŷn sydd weithiau angen mynd i’r ysbyty.

Bydd canolfannau brechu ar agor ar 23, 24, 27, 30 a 31 Rhagfyr i bawb sy'n gymwys i gael brechlyn ffliw a COVID-19, ac nid oes angen apwyntiad. Mae hyn yn cynnwys plant 2 oed (ar 31 Awst 2024) i’r rhai ym mlwyddyn 11, sy’n gallu cael y brechlyn ffliw trwynol yn y canolfannau.

Galwch heibio unrhyw amser rhwng 09:15 ac 5:30 i'ch canolfan frechu agosaf:

Aberaeron (Canolfan Gofal Integredig Aberaeron, Godre Rhiwgoch, Aberaeron SA46 0DY)
Llanelli (Uned 2a, Ystad Ddiwydiannol Dafen, Heol Cropin SA14 8QW)
Neyland (Uned 1, Parc Manwerthu Honeyborough SA73 1SE)

Mae'r grwpiau canlynol yn gymwys i gael eu brechu:

Brechu rhag y ffliw

Plant dwy a thair oed ar 31 Awst 2024
Plant ysgol gynradd o'r dosbarth derbyn i flwyddyn 6
Plant ysgol uwchradd o flwyddyn 7 i flwyddyn 11
Pobl rhwng chwe mis a 64 blwydd oed mewn grwpiau risg clinigol
Pobl 65 oed a hŷn (oed ar 31 Mawrth 2024)
Menywod beichiog
Gofalwyr 16 oed a throsodd
Pobl rhwng 6 mis a 65 oed sy'n byw gyda rhywun sydd â system imiwnedd wan
Pobl ag anabledd dysgu
Gweithwyr iechyd a gofal cymdeithasol rheng flaen
Pob aelod o staff sy'n gweithio mewn cartref gofal sydd mewn cyswllt rheolaidd â chleientiaid
Gweithwyr dofednod sydd mewn risg uchel

Brechu rhag COVID-19

Pobl rhwng 6 mis a 64 blwydd oed sydd â chyflwr iechyd hirdymor (sy'n cynnwys menywod beichiog a phobl â system imiwnedd wan)
Preswylwyr cartrefi gofal i oedolion hŷn
Pobl 65 oed a hŷn (oed ar 31 Mawrth 2025)
Gofalwyr di-dâl
Gweithwyr iechyd a gofal cymdeithasol rheng flaen
Staff sy'n gweithio mewn cartrefi gofal i oedolion hŷn

Os oes gennych unrhyw gwestiynau ynghylch cael brechlyn ffliw a/neu COVID-19, ffoniwch y bwrdd iechyd ar 0300 303 8322 a dewis opsiwn 1 neu e-bostiwch ask.hdd@wales.nhs.uk.

Os ydych yn ansicr a ydych yn gymwys i gael y brechlyn ffliw a/neu COVID-19, cysylltwch â’r bwrdd iechyd ar y manylion uchod.