Neidio i'r prif gynnwy

Anogir pobl â diabetes i fynd i glinigau â phroblemau traed

Cyn Ddiwrnod Diabetes y Byd (Dydd Sul 14 Tachwedd), mae Bwrdd Iechyd Prifysgol Hywel Dda yn atgoffa pobl â diabetes am wirio eu traed, a mynediad at glinigau arbenigol. 

Mae adran podiatreg y bwrdd iechyd yn annog cleifion i gael gwiriadau diabetes rheolaidd, yn enwedig archwiliadau traed, i ddarganfod unrhyw faterion sydd angen gofal ar unwaith.

Anogir cleifion hefyd i archwilio eu traed yn ddyddiol gartref, am unrhyw arwyddion perygl gan gynnwys:   

  • Haint, rhedlif
  • Poen newydd neu guro
  • Arogl newydd o’ch troed
  • Troed coch, chwyddedig boeth
  • Mannau newydd o gochni, llid neu chwydd

Dywedodd Laura Jones, Dietegydd Arbenigol Diabetes ym Mwrdd Iechyd Prifysgol Hywel Dda: “Y thema ar gyfer Diwrnod Diabetes y Byd eleni yw mynediad at ofal diabetes. Fodd bynnag, mae pandemig COVID-19 wedi golygu nad yw rhai pobl a diabetes wedi gallu cael eu gwiriadau traed diabetes rheolaidd. Dyna pam rydyn ni eisiau annog pobl i berfformio hunan-wiriad o’u traed gartref, ac os oes ganddyn nhw unrhyw bryderon, dylen nhw gysylltu â’r tîm podiatreg ar unwaith.” 

Mae Clinigau Mynediad Agored yn gweithredu ledled Sir Gaerfyrddin, Ceredigion a Sir Benfro yn y lleoliadau canlynol:

  • Adran Podiatreg, Ysbyty Dinbych-y-pysgod, Dinbych-y-pysgod – Dydd Mawrth 1pm – 3pm
  • Adran Cleifion Allanol, Ysbyty Tywysog Philip, Llanelli – Dydd Mercher 2pm– 4pm
  • Adran Cleifion Allanol, Ysbyty Glangwili, Caerfyrddin – Dydd Iau 2pm – 4pm
  • Adran Cleifion Allanol, Ysbyty Bronglais, Aberystwyth – Dydd Gwener 9:30am –11:30am              

Mae’r clinigau hyn ar gyfer patholegau traed brys yn unig, gan gynnwys haint, briwiau, niwroarthropathi madredd neu charcot (troed coch, poeth, chwyddedig).

Ni fydd angen apwyntiadau gan y bydd cleifion sy’n mynychu clinigau mynediad agored yn cael eu gweld yn nhrefn eu cyrraedd. 

Am fwy o wybodaeth neu gyngor, cysylltwch â’r swyddfa podiatreg yn eich sir:

  • Swyddfa Podiatreg Sir Benfro – 01437 774267
  • Swyddfa Podiatreg Sir Gaerfyrddin – 01267 227058
  • Swyddfa Podiatreg Ceredigion – 01239 801572             

I gael cyngor pellach ar sut i edrych ar ôl eich traed, edrychwch ar y canllawiau fideo hyn: