Croeso i rifyn 33 o fwletin Bwrdd Iechyd Prifysgol Hywel dda ar y brechlyn
Bydd y digwyddiad wythnosol hwn yn rhoi’r wybodaeth ddiweddaraf mewn perthynas â chynnydd y Rhaglen Brechu Torfol COVID-19 ar draws Sir Gaerfyrddin, Ceredigion a Sir Benfro.
Cynhelir clinigau brechu COVID-19 ar gyfer beichiogrwydd a bwydo ar y fron mewn pedair canolfan brechu torfol bob bore Mawrth.
Er y bydd pob canolfan brechu torfol ledled Sir Gaerfyrddin, Ceredigion a Sir Benfro yn gallu brechu unrhyw un sy'n feichiog neu'n bwydo ar y fron, bydd y clinigau cynenedigol yn cael eu darparu gan fydwragedd pe bai unrhyw un yn dymuno derbyn cyngor ychwanegol ynghylch derbyn y brechlyn yn ystod beichiogrwydd.
Bydd y clinigau beichiogrwydd a bwydo ar y fron pwrpasol yn rhedeg bob bore Mawrth rhwng 9.00am ac 1.00pm yn y canolfannau brechu torfol canlynol:
Os hoffech fynychu clinig brechu beichiogrwydd a bwydo ar y fron pwrpasol gallwch hunangyfeirio trwy lenwi'r ffurflen ar-lein ganlynol (agor mewn dolen newydd). Dewiswch yr opsiwn 'Clinig Cyn Geni', neu ffoniwch 0300 303 8322. Peidiwch â mynychu heb apwyntiad.
Mae Coleg Brenhinol yr Obstetregwyr a Gynaecolegwyr a Choleg Brenhinol y Bydwragedd wedi cynhyrchu taflen wybodaeth a chymorth penderfynu (agor mewn dolen newydd). Gwelwch wybodaeth arall (agor mewn dolen newydd) a allai fod yn ddefnyddiol i chi. Fel arall siaradwch â'ch bydwraig neu ymgynghorydd am y risgiau a buddion i helpu i lywio eich penderfyniad.
Bydd ein tîm brechu symudol yng Nghaeau Garth (ar ben Heol Trafalgar) yn ardal Garth yn Hwlffordd rhwng 10.30am a 3.30pm ddydd Iau 26 Awst. Byddant yn bresennol yn nigwyddiad casglu sbwriel a brechu COVID y sir, sy'n rhan o ymgyrch i gynyddu nifer y bobl sy'n cael brechiadau yn yr ardal.
Bydd y tîm brechu yn gallu cynnig dosau cyntaf ac ail ddos brechlynnau Astrazeneca a Moderna, a byddant ar gael i unrhyw un sy'n 18 oed neu'n hŷn ar sail cerdded i mewn. Nid oes angen apwyntiad. Bydd y rhaglen ffliw sydd ar ddod hefyd yn cael ei thrafod.
Bydd ein huned brechu symudol yn Folly Farm yn Sir Benfro, y dydd Llun gŵyl banc hwn (30 Awst).
Bydd y fan yno rhwng 10.00am a 5.00pm. Nod yr uned yw rhoi brechlynnau i rieni nad ydyn nhw wedi gallu cael eu brechlynnau COVID-19 hyd yn hyn, yn ogystal â phobl ifanc 16-17 oed sy’n mynychu gyda’u teuluoedd. Bydd brechlynnau Astrazeneca, Moderna a Pfizer ar gael, ac ni fydd angen archebu ymlaen llaw.
Roedd myfyriwr blwyddyn 12 o Lanelli yn teimlo llai o bryder i fynd i'r coleg ym mis Medi ar ôl derbyn ei brechiad COVID-19.
Mynegodd Hollie O’Brien, 16 oed ryddhad rhag o dderbyn brechlyn Pfizer fel rhan o’r rhaglen frechu (agor mewn dolen newydd) ym Mwrdd Iechyd Prifysgol Hywel Dda.
“Roedd gen i a fy chwaer COVID dros y Nadolig. Roeddem yn meddwl bod gennym tonsilitis, ond pan aeth fy chwaer yn sâl ar fy ôl, cafodd brawf ac roedd yn bositif.
Er gwaethaf bod yn sâl iawn, fe wnaeth ychydig o ddyddiau yn y gwely helpu. Ni welsom ein neiniau a theidiau fodd bynnag, gan na fyddai wedi bod mor hawdd iddynt. ”
Roedd Hollie yn mwynhau diwrnod allan i'r teulu yn Ninbych-y-pysgod pan benderfynodd gael ei brechlyn gan fod Canolfan Hamdden Dinbych-y-pysgod yn cynnig clinig cerdded i mewn.
“Roeddwn i eisiau cael y brechlyn i helpu eraill o fy nghwmpas sy'n llawer hŷn na fi ac a allai fod â symptomau gwaeth o lawer. Nid oeddwn yn poeni am gael y brechlyn, gan fod fy mam wedi cael hi yn ddiweddar ac roedd hi'n iawn. Y cyfan a gefais oedd braich ddolurus ar ôl. Roeddwn i'n gwybod y gallai fod sgîl-effeithiau, ond ni fyddent cynddrwg â sut roeddwn i'n teimlo pan oeddwn i'n COVID-19 positif.”
Ychwanegodd - “Os ydych chi'n poeni siaradwch â phobl sydd wedi'i gael. Mae'r staff brechu hefyd yn groesawgar iawn a byddant yn ateb eich cwestiynau. "
Yn gyn ddisgybl Ysgol Gyfun Bryngwyn, bydd Hollie yn mynychu Coleg Sir Gâr ym mis Medi i astudio'r gyfraith, mathemateg a seicoleg.
“Nid wyf yn siŵr yn union pa swydd rwyf am ei wneud yn y dyfodol, ond hoffwn helpu pobl sy'n dioddef o iechyd meddwl.”
Yn dilyn diweddariad yng nghyngor JCVI (yn agor mewn dolen newydd), mae byrddau iechyd yng Nghymru bellach yn gwahodd pawb sy'n 16 oed neu'n hŷn i gael eu brechu.
Os ydych chi'n 16 oed neu'n hŷn ac yn byw yn Sir Gaerfyrddin, Ceredigion neu Sir Benfro gallwch gael mynediad i'ch brechlyn COVID-19 yn y ffyrdd a ganlyn:
Mynychu clinig cerdded i mewn, nid oes angen apwyntiad. Ewch i'n tudalen canolfan brechu torfol (agor mewn dolen newydd) i wirio pryd mae'ch canolfan brechu torfol agosaf ar agor **
Gwneud Apwyntiad:
** Yr wythnos nesaf byddwn yn ysgrifennu at y rhai 16 a 17 oed i wahodd i'w canolfan agosaf (ar wahân i Faes Sioe Caerfyrddin). Bydd y rhai yn y grŵp oedran hwn yn cael cynnig y brechlyn Pfizer/BioNTech (agor mewn dolen newydd).
Dywedodd y JCVI (agor mewn dolen newydd) y dylid cynnig brechlyn brechlyn Pfizer/BioNTech (agor mewn dolen newydd) i bobl ifanc rhwng 12 a 15 oed sydd â risg uwch o gael coronafeirws (COVID-19).
Mae hyn yn cynnwys plant a phobl ifanc gyda:
Mae'r JCVI hefyd yn argymell y dylid cynnig y brechlyn i'r rhai rhwng 12 a 15 oed sy'n byw gyda rhywun sydd â gwrthimiwnedd.
Wythnos nesaf byddwn yn cysylltu (dros y ffôn) â theuluoedd y rhai rhwng 12 a 15 oed sydd mewn mwy o berygl i drefnu apwyntiadau.
Yr wythnos hon, rydym wedi dechrau cysylltu (dros y ffôn) â theuluoedd y rhai rhwng 12 a 15 oed sydd mewn mwy o berygl i drefnu apwyntiadau. Gofynnwn yn garedig, os mai chi yw rhiant neu warcheidwad plentyn sydd mewn mwy o berygl, i beidio â mynychu ein clinigau cerdded i mewn ac arhoswch i’r tîm brechu gysylltu â chi.
Grŵp Blaenoriaeth |
Nifer â frechwyd gyda'r dôs gyntaf |
Canran derbyn dôs gyntaf |
Nifer â frechwyd gyda'r ail dôs |
Canran derbyn yr ail dôs |
---|---|---|---|---|
P1.1 Preswylwyr cartrefi gofal sy'n oedolion hŷn |
2,489 | 96.4% | 2,167 | 84.0% |
P1.2 - Gweithwyr cartrefi gofal |
3,498 | 100.1% | 3,298 | 94.4% |
P2.1 - Pob un 80 oed a hŷn |
22,848 | 100.0% | 22,074 | 96.6% |
P2.2 a 2.3 - Gweithwyr iechyd a gofal cymdeithasol |
25,987 | 99.2% | 25,014 | 95.5% |
P3 - Pob un 75 oed a hŷn |
18,704 | 95.8% | 18,335 | 93.9% |
P4.1 - Pob un 70 oed a hŷn |
25,073 | 95.4% | 24,667 | 93.8% |
P4.2 - Unigolion eithriadol o agored i niwed yn glinigol |
8,743 | 88.3% | 8,438 | 85.2% |
P5 – Pob un 65 oed a hŷn |
21,737 | 91.0% | 21,353 | 89.4% |
P6 - pob unigolyn rhwng 16 a 64 oed â chyflyrau iechyd sylfaenol sy'n eu rhoi mewn mwy o berygl o glefyd difrifol a marwolaeth (grwpiau mewn risg) a gofalwyr di-dâl |
39,162 | 87.8% | 37,176 | 83.3% |
P7 - Pob un 60 oed a hŷn |
13,464 | 69.2% | 13,250 | 68.1% |
P8 - Pob un 55 oed a hŷn |
14,972 | 80.5% | 14.638 | 78.7% |
P9 - Pob un 50 oed a hŷn |
15,461 | 95.1% | 14,994 | 92.2% |
P10 - Grwpiau blaenoriaeth eraill neu heb eu dyrannu |
75,842 | 49.4% | 60,794 | 39.6% |
45 - 49 oed | 11,198 | 70.8% | 10,608 | 67.1% |
40 - 44 oed | 10,597 | 69.7% | 9,706 | 63.9% |
35 - 39 oed | 11,138 | 69.0% | 9,657 | 58.2% |
30 - 34 oed | 11,380 | 66.9% | 9,375 | 53.7% |
25 - 29 oed | 10,772 | 61.7% | 8,454 | 48.4% |
20 - 24 oed | 12,848 | 68.1% | 9,310 | 49.4% |
15 - 19 oed | 7,867 | 52.1% | 3,681 | 24.4% |
Cyfanswm: | 287,981 | 74.4% | 266,198 | 68.7% |