Bwletin - Rhifyn 19 - Cyhoeddwyd 19 Mai 2021
Croeso i bedwaredd rhifyn ar bymtheg o fwletin Bwrdd Iechyd Prifysgol Hywel Dda ar y brechlyn.
Bydd y diweddariad wythnosol hwn yn rhoi’r wybodaeth ddiweddaraf mewn perthynas â chynnydd y Rhaglen Brechu Torfol COVID-19 ar draws Sir Gaerfyrddin, Ceredigion a Sir Benfro.
Diolch i ymdrechion anhygoel apwyntiadau gofal sylfaenol a brechu torfol, gallwn nawr ddweud y dylai pawb 25 oed a hŷn fod wedi derbyn eu llythyr apwyntiad. Os ydych chi'n 25 oed neu'n hŷn ac nad ydych wedi derbyn apwyntiad, neu os ydych wedi newid eich meddwl ynglŷn â derbyn y brechlyn, gofynnwch am un cyn gynted â phosibl trwy lenwi'r ffurflen gais ar-lein hon (agor mewn dolen newydd).
Defnyddio'r ffurflen ar-lein yw'r ffordd hawsaf i dîm archebu'r bwrdd iechyd dderbyn yr holl wybodaeth sydd ei hangen arnynt i drefnu apwyntiad. Os na allwch lenwi'r ffurflen ar-lein, gallwch hefyd drefnu eich apwyntiad brechlyn cyntaf trwy ffonio 0300 303 8322 neu e-bostio'ch enw, eich dyddiad geni, y ganolfan frechu dorfol agosaf a rhif ffôn cyswllt i COVIDenquiries.hdd@wales.nhs.uk
Diolch i’n meddygfeydd teulu
Mae'r bwrdd iechyd yn falch iawn o’r ymrwymiad a'r egni a ddangosir gan feddygfeydd teulu wrth iddynt gymryd rhan yn rhaglen brechu torfol COVID-19.
Ymunodd pob un o'r 48 meddygfa ledled Sir Gaerfyrddin, Ceredigion a Sir Benfro i gyflawni'r rhaglen, gan ymrwymo i gyflwyno'r rhaglen i rai grwpiau blaenoriaeth JCVI.
O'r holl ddosau a roddwyd hyd yn hyn, mae 51% (186,735 dos) wedi'u rhoi gan feddygfeydd teulu. Mae meddygfeydd bellach ar eu ffordd i gyflawni'r dasg o gynnig ail ddos i bob claf sydd wedi cael brechlyn cyntaf ac maent eisoes wedi rhoi 70,571 ar adeg cyhoeddi’r rhifyn hwn.
Dywedodd Dr Sion James, Dirprwy Gyfarwyddwr Meddygol Gofal Sylfaenol "O gael y profiad o redeg y rhaglen frechu yn fy mhractis fy hun, rwy'n gwybod pa mor heriol a gwerth chweil yw hi i fod yn rhan o'r rhaglen hon. Mae'n dyst i ymrwymiad ein meddygfeydd o gyflawni y gofal gorau posibl i gleifion eu bod wedi parhau i weithio gyda ni trwy gydol y rhaglen.
Dywedodd Jill Paterson, Cyfarwyddwr Gofal Sylfaenol, Gwasanaethau Cymunedol a Gofal Hirdymor "Rwy'n falch o'r ymrwymiad a ddangoswyd gan ein holl meddygfeydd a’r gwaith rhagorol y maent wedi'i wneud wrth helpu'r Bwrdd Iechyd i gyflawni'r rhaglen hon. Trwy gydol y pandemig nid yw'r ymrwymiad i gynnal darpariaeth gwasanaethau meddygol cyffredinol i'w cleifion wedi ildio, er bod staff dan bwysau ac yn teimlo'n flinedig. Mae cyflwyno'r rhaglen frechu wedi bod yn ymdrech system gyfan i amddiffyn ein cleifion. "
Pam mae brechu yn bwysig i'n poblogaeth iau?
Y brechiad COVID-19 yw un o'n dulliau pwysicaf i helpu i leihau lledaeniad y feirws. Mae'r brechlynnau'n ddiogel ac yn effeithiol ac yn cynnig amddiffyniad i unigolyn rhag COVID-19. Bydd hefyd yn cynnig mwy o amddiffyniad i'n teuluoedd, ein ffrindiau a'n cymunedau.
Mae tri brechlyn COVID-19 ar gael ar hyn o bryd – Pfizer-BioNTech, Prifysgol Rhydychen-AstraZeneca a Moderna.
Bydd brechu'r boblogaeth ac annog pobl i fanteisio ar y cyfle yn:
- diogelu pobl rhag COVID-19 gan gynnwys y rhai sydd fwyaf agored i niwed
- ein galluogi i godi cyfyngiadau maes o law
- ein helpu i ddychwelyd i fywyd mwy normal
Nid yw cael eich brechu yn orfodol ac rydym yn deall y bydd pobl am gael gwybodaeth am ddiogelwch. Gofynnwn i bobl addysgu eu hunain gyda gwybodaeth ffeithiol a dibynadwy cyn gwneud penderfyniad.
Sut i gysylltu â ni os nad ydych wedi cael gwahoddiad:
- Os ydych dros 25 oed neu yn un o grwpiau blaenoriaeth 1 i 9 y JCVI a heb gael apwyntiad brechlyn cyntaf, gofynnwch am un cyn gynted â phosib trwy lenwi’r ffurflen ar-lein hon (agor mewn dolen newydd). Rydym yn deall na fydd gan bawb fynediad i'r rhyngrwyd. Os na allwch chi neu rywun rydych chi'n ei adnabod lenwi ein ffurflen gais ar-lein, ffoniwch y bwrdd iechyd ar 0300 303 8322. Rhannwch y neges hon gyda ffrindiau, teulu a'ch cymuned leol i sicrhau nad oes unrhyw un yn cael ei adael ar ôl.
- Os ydych yn 16 oed neu hŷn ac yn gyswllt cartref i oedolyn imiwnoataliedig difrifol (gov.uk, Saesneg yn unig, agor mewn dolen newydd), llenwch y ffurflen hunan-gyfeirio ar wefan y GIG (agor mewn dolen newydd).
Ar hyn o bryd, nid yw'r JCVI yn cynghori brechu plant sy'n gysylltiadau cartref. Ar hyn o bryd, nid ydynt chwaith yn cynghori brechu cysylltiadau cartref plant imiwnoataliedig.
Peidiwch cysylltu â’r bwrdd iechyd os ydych yn grŵp 10 a rhwng 18 a 24 oed i holi am apwyntiad brechu ar hyn o bryd. Cysylltir â chi pan fydd eich tro chi.
|
Grŵp Blaenoriaeth |
Nifer â frechwyd gyda'r dôs gyntaf |
Canran derbyn dôs gyntaf |
Nifer â frechwyd gyda'r ail dôs |
Canran derbyn yr ail dôs |
|---|---|---|---|---|
|
P1.1 Preswylwyr cartrefi gofal sy'n oedolion hŷn |
2,489 | 96.5% | 2,099 | 81.3% |
|
P1.2 - Gweithwyr cartrefi gofal |
3,440 | 98.5% | 3,014 | 86.3% |
|
P2.1 - Pob un 80 oed a hŷn |
22,820 | 99.9% | 21,330 | 93.3% |
|
P2.2 a 2.3 - Gweithwyr iechyd a gofal cymdeithasol |
25,557 | 100.0% | 21,898 | 85.7% |
|
P3 - Pob un 75 oed a hŷn |
18,632 | 95.5% | 17,767 | 91.0% |
|
P4.1 - Pob un 70 oed a hŷn |
25,001 | 95.1% | 23,678 | 90.0% |
|
P4.2 - Unigolion eithriadol o agored i niwed yn glinigol |
8,657 | 87.4% | 7,687 | 77.6% |
|
P5 – Pob un 65 oed a hŷn |
21,615 | 90.5% | 14,900 | 62.4% |
|
P6 - pob unigolyn rhwng 16 a 64 oed â chyflyrau iechyd sylfaenol sy'n eu rhoi mewn mwy o berygl o glefyd difrifol a marwolaeth (grwpiau mewn risg) a gofalwyr di-dâl |
37,743 | 84.6% | 4,113 | 9.2% |
|
P7 - Pob un 60 oed a hŷn |
13,330 | 68.5% | 593 | 3.0% |
|
P8 - Pob un 55 oed a hŷn |
14,708 | 79.1% | 512 | 2.8% |
|
P9 - Pob un 50 oed a hŷn |
14,336 | 88.2% | 522 | 3.2% |
|
P10 - Grwpiau blaenoriaeth eraill neu heb eu dyrannu |
37,505 | 24.3% | 1,217 | 0.8% |
| Cyfanswm: | 245,834 | 63.5% | 119,330 | 30.8% |
Peidiwch â chysylltu â’ch meddygfa, eich fferyllfa na’r bwrdd iechyd i gael gwybod pryd fyddwch yn cael eich brechu
wythnos hon, mae gwasanaethau iechyd wedi cael eu boddi gan alwadau a negeseuon ebost gan y cyhoedd yn ymholi am y brechlyn. Rydym yn deall bod pobl yn bryderus ac eisiau gwybod pryd y gallant gael y brechlyn. Peidiwch â chysylltu â'ch meddyg teulu, fferyllfa neu fwrdd iechyd; cysylltir â chi pan fydd eich tro chi. Gwahoddir pobl i gael y brechlyn yn nhrefn blaenoriaeth, felly byddwch yn amyneddgar.