Brechu rhag y ffliw tymhorol
Gall ffliw fod yn ddifrifol iawn ac mae cael eich brechlyn ffliw bob blwyddyn yn un o’r ffyrdd gorau o amddiffyn rhag mynd yn sâl iawn.
Mae'n cael ei achosi gan firws sy'n cael ei ledaenu gan beswch a thisian. Gall symptomau ffliw fod yn ysgafn ond gall hefyd arwain at afiechydon mwy difrifol fel broncitis a niwmonia, a all fod angen triniaeth yn yr ysbyty.
Os yw unrhyw un o’r canlynol yn berthnasol i chi, hyd yn oed os ydych yn teimlo’n iach, rydych yn fwy tebygol o gael cymhlethdodau o’r ffliw os byddwch yn ei ddal, ac fe’ch cynghorir i gael brechiad y ffliw os:
- Rydych chi'n feichiog
- Rydych chi'n 65 oed neu'n hŷn
- Rydych chi rhwng chwe mis a 64 oed ac mae gennych gyflwr iechyd tymor hir sy’n eich rhoi mewn mwy o berygl o’r ffliw
- Rydych chi'n byw mewn cartref gofal
- Rydych chi’n ddigartref
- Rydych chi'n weithiwr dofednod sy’n wynebu risg uchel
Mae'r grwpiau canlynol hefyd yn cael eu cynghori i gael brechiad y ffliw i'w hamddiffyn nhw a'r bobl o'u cwmpas:
- Plant dwy a thair oed (oedran ar 31 Awst 2025)
- Plant a phobl ifanc yn yr ysgol o'r dosbarth Derbyn i Flwyddyn 11
- Gofalwyr
- Pobl sy'n gweithio'n uniongyrchol gyda chleifion/chleientiaid ym maes iechyd neu ofal cymdeithasol
- Ymatebwyr cyntaf ac aelodau o sefydliadau gwirfoddol sy'n darparu cymorth cyntaf brys wedi'i gynllunio
- Unigolion sy'n byw gyda rhywun sydd â system imiwnedd wan
Os ydych chi’n gymwys, galwch heibio un o’r canolfannau canlynol, neu os oes yn well gennych wneud apwyntiad, cysylltwch â’r bwrdd iechyd ar y manylion uchod.
Gallwch ddod o hyd i ragor o wybodaeth am frechlyn yr ysgyfaint drwy fynd i Iechyd Cyhoeddus Cymru (agor mewn dolen newydd).