Pam celfyddydau ac iechyd?

Mae corff cynyddol o dystiolaeth sy’n dangos bod gan y celfyddydau rôl bwerus i’w chwarae ym mhob maes gofal iechyd, gan gynnwys:

• atal afiechyd;
• gwella lles;
• trin afiechyd;
• helpu pobl i fyw'n dda gyda salwch;
• hybu iachâd ac adferiad;
• annog ymddygiad iach.

Rydym yn defnyddio’r celfyddydau i’n helpu i leihau anghydraddoldeb iechyd a chefnogi’r bobl fwyaf agored i niwed yn ein cymdeithas, megis:

• plant a phobl ifanc;
• oedolion hŷn;
• y rhai sy'n fregus, yn unig neu'n ynysig;
• pobl sy'n byw gyda dementia;
• y rhai sy'n profi heriau iechyd meddwl;
• cleifion lliniarol ac arhosiad hir;
• a'r cymunedau a'r unigolion hynny sydd â nodweddion gwarchodedig.

Gellir cyflwyno'r celfyddydau trwy gyfrwng y Gymraeg, Saesneg, Iaith Arwyddion Prydain ac ieithoedd cymunedol eraill.