Ysbyty Tywysog Philip - Uned Mân Anafiadau
Rydym wedi cynnal gweithdai ymgysylltu gyda nyrsys, clinigwyr, y gwasanaeth ambiwlans, meddygon teulu y tu allan i oriau, aelodau grwpiau ymgyrchu a phobl yn ein cymuned a fynegodd ddiddordeb (cynrychiolwyr o blith y rhestr hon a ddewiswyd ar hap). Mae'r rhain wedi ystyried opsiynau posibl ar gyfer dyfodol y gwasanaeth, gan gynnwys dychwelyd i'r model 24/7 blaenorol. Bydd y Bwrdd Iechyd yn ystyried y gwaith hwn a’r camau nesaf yn ei gyfarfod ddiwedd mis Mawrth.
Beth i wneud os oes gennych fân anaf
Mae’r Uned Mân Anafiadau, yn Ysbyty Tywysog Philip, Llanelli, yn darparu gofal i oedolion a phlant dros 12 mis oed â mân anafiadau fel:
- mân glwyfau
- mân frathiadau a phigiadau (gan bobl, bryfed neu anifeiliaid)
- mân losgiadau neu sgaldiadau
- mân anafiadau i’r pen / rhwyg i groen y pen
- darn estron yn y glust neu’r trwyn
- mân anafiadau i goes neu fraich
- mân anaf i’r llygaid
Nid oes gan yr ysbyty Adran Achosion Brys na ward bediatrig (ward plant).
Os ydych chi'n byw yn Llanelli, yn agos i’r dre neu'n ymweld â’r ardal, ac yn dioddef mân anaf yn ystod y dydd (rhwng 8.00am ac 8.00pm), gallwch barhau i ddod i'r Uned Mân Anafiadau yn Ysbyty Tywysog Philip are ich liwt eich hun.
- gwiriwr symptomau ar-lein GIG Cymru (agor mewn dolen newydd)
- neu ffonio GIG 111 Cymru am gyngor (dewiswch opsiwn 2 ar gyfer cymorth iechyd meddwl)
Mewn argyfwng lle mae bywyd oedolyn, person ifanc neu blentyn yn y fantol, ffoniwch 999 bob amser.
Dolenni defnyddiol eraill
Gallwch ddarllen mwy am ystod ein gwasanaethau ar y dudalen we gofal brys (agor mewn dolen newydd)
Gallwch hefyd ddarllen mwy ar ein tudalen we uned mân anafiadau (agor mewn dolen newydd)
Ar gyfer anghenion iechyd plant ac ieuenctid, gallwch ddarllen mwy ar ein tudalen we iechyd plant (agor mewn dolen newydd)