Bwletin - Rhifyn 17 - Cyhoeddwyd 5 Mai 2021
Croeso i rifyn 17 o fwletin Bwrdd Iechyd Prifysgol Hywel Dda ar y brechlyn.
Bydd y diweddariad wythnosol hwn yn rhoi’r wybodaeth ddiweddaraf mewn perthynas â chynnydd y Rhaglen Brechu Torfol COVID-19 ar draws Sir Gaerfyrddin, Ceredigion a Sir Benfro.
Yr wythnos hon, bydd ein canolfannau yn brechu’r rhai sy’n weddill yn y grwpiau 40 i 49 oed ac maen nhw wedi dechrau gwahodd pobl 30 i 39 oed i gael eu brechlyn cyntaf.
Fe'ch gwahoddir i apwyntiad pan fydd yn eich tro chi trwy lythyr a/neu neges destun. Gwahoddir y rhai yng ngrŵp 10 i gael eu brechlyn COVID yn un o'n canolfannau brechu torfol (agor mewn dolen newydd). Yn amodol ar gyflenwad, ein nod yw cynnig dos cyntaf o'r brechlyn i bawb yn y 10 grŵp blaenoriaeth cyfredol erbyn diwedd mis Gorffennaf.
Sut i gysylltu â ni os nad ydych wedi cael gwahoddiad:
- Os ydych dros 30 oed neu yn un o grwpiau blaenoriaeth 1 i 9 y JCVI a heb gael apwyntiad brechlyn cyntaf, gofynnwch am un cyn gynted â phosib trwy lenwi’r ffurflen ar-lein hon (agor mewn dolen newydd). Rydym yn deall na fydd gan bawb fynediad i'r rhyngrwyd. Os na allwch chi neu rywun rydych chi'n ei adnabod lenwi ein ffurflen gais ar-lein, ffoniwch y bwrdd iechyd ar 0300 303 8322. Rhannwch y neges hon gyda ffrindiau, teulu a'ch cymuned leol i sicrhau nad oes unrhyw un yn cael ei adael ar ôl.
- Os ydych yn 16 oed neu hŷn ac yn gyswllt cartref i oedolyn imiwnoataliedig difrifol (gov.uk, Saesneg yn unig, agor mewn dolen newydd), llenwch y ffurflen hunan-gyfeirio ar wefan y GIG (agor mewn dolen newydd).
Ar hyn o bryd, nid yw'r JCVI yn cynghori brechu plant sy'n gysylltiadau cartref. Ar hyn o bryd, nid ydynt hefyd yn cynghori brechu cysylltiadau cartref plant imiwnoataliedig.
Peidiwch cysylltu â’r bwrdd iechyd os ydych yn grŵp 10 a rhwng 18 a 29 oed i holi am apwyntiad brechu ar hyn o bryd. Cysylltir â chi pan fydd eich tro chi.
Beichiogrwydd â’r brechlyn COVID-19
Ar 16 Ebrill 2021, cyhoeddodd y JCVI gyngor newydd ar frechu COVID-19 yn ystod beichiogrwydd. Gallwch ddarllen y canllawiau newydd yma (gov,uk, Saesneg yn unig, agor mewn dolen newydd).
Mae'r JCVI wedi cynghori y dylid cynnig brechlynnau COVID-19 i ferched beichiog ar yr un pryd â phobl o'r un oedran neu grŵp risg. Yn Unol Daleithiau America, mae tua 90,000 o ferched beichiog wedi cael eu brechu, yn bennaf gyda brechlynnau Pfizer a Moderna, ac ni nodwyd unrhyw bryderon diogelwch.
Mae tystiolaeth ar frechlynnau COVID-19 yn cael ei hadolygu'n barhaus gan Sefydliad Iechyd y Byd a'r cyrff rheoleiddio yn y DU, UDA, Canada ac Ewrop.
Mae Coleg Brenhinol yr Obstetregwyr a'r Gynaecolegwyr (RCOG) a Choleg Brenhinol y Bydwragedd (RCM) wedi cyhoeddi canllaw penderfyniadau a gwybodaeth arall (Saesneg yn unig, agor mewn dolen newydd) a allai fod yn ddefnyddiol i chi neu siaradwch â'ch bydwraig neu ymgynghorydd am y risgiau a'r buddion i helpu i lywio'ch penderfyniad.
|
Grŵp Blaenoriaeth |
Nifer â frechwyd gyda'r dôs gyntaf |
Canran derbyn dôs gyntaf |
Nifer â frechwyd gyda'r ail dôs |
Canran derbyn yr ail dôs |
|---|---|---|---|---|
|
P1.1 Preswylwyr cartrefi gofal sy'n oedolion hŷn |
2,489 | 96.4% | 2,048 | 79.3% |
|
P1.2 - Gweithwyr cartrefi gofal |
3,431 | 98.2% | 2,948 | 84.4% |
|
P2.1 - Pob un 80 oed a hŷn |
22,801 | 99.8% | 20,525 | 84.2% |
|
P2.2 a 2.3 - Gweithwyr iechyd a gofal cymdeithasol |
25,402 | 99.4% | 21,516 | 84.2% |
|
P3 - Pob un 75 oed a hŷn |
18,565 | 95.1% | 17,244 | 88.4% |
|
P4.1 - Pob un 70 oed a hŷn |
24,945 | 94.9% | 18,326 | 69.7% |
|
P4.2 - Unigolion eithriadol o agored i niwed yn glinigol |
8,623 | 87.1% | 5,991 | 60.5% |
|
P5 – Pob un 65 oed a hŷn |
21,558 | 90.3% | 2,153 | 9.0% |
|
P6 - pob unigolyn rhwng 16 a 64 oed â chyflyrau iechyd sylfaenol sy'n eu rhoi mewn mwy o berygl o glefyd difrifol a marwolaeth (grwpiau mewn risg) a gofalwyr di-dâl |
37,307 | 83.6% | 2,137 | 4.8% |
|
P7 - Pob un 60 oed a hŷn |
13,272 | 68.2% | 439 | 2.3% |
|
P8 - Pob un 55 oed a hŷn |
14,639 | 78.7% | 421 | 2.3% |
|
P9 - Pob un 50 oed a hŷn |
14,080 | 86.5% | 447 | 2.7% |
|
P10 - Grwpiau blaenoriaeth eraill neu heb eu dyrannu |
22,443 | 14.5 | 897 | 0.6% |
| Cyfanswm: | 229,546 | 59.3% | 95,092 | 24.6% |
Peidiwch â chysylltu â’ch meddygfa, eich fferyllfa na’r bwrdd iechyd i gael gwybod pryd fyddwch yn cael eich brechu
wythnos hon, mae gwasanaethau iechyd wedi cael eu boddi gan alwadau a negeseuon ebost gan y cyhoedd yn ymholi am y brechlyn. Rydym yn deall bod pobl yn bryderus ac eisiau gwybod pryd y gallant gael y brechlyn. Peidiwch â chysylltu â'ch meddyg teulu, fferyllfa neu fwrdd iechyd; cysylltir â chi pan fydd eich tro chi. Gwahoddir pobl i gael y brechlyn yn nhrefn blaenoriaeth, felly byddwch yn amyneddgar.