Neidio i'r prif gynnwy

Gastroenteroleg

Ar hyn o bryd rydym yn cynyddu ein clinigau wyneb yn wyneb mewn gastroenteroleg ar draws y bwrdd iechyd. Mae clinigau ffôn yn parhau fel mesur cefnogol i adennill ein gweithgaredd cyn COVID.

Bydd pob achos brys lle'r amheuir canser a phob atgyfeiriad brys yn parhau i gael ei flaenoriaethu a'i archwilio fesul achos. Mae'r gwasanaeth ar hyn o bryd yn adolygu hyd yr aros, gan anelu at leihau'r ôl-groniad hwn ar gyfer pob categori o gleifion.

Mae cleifion sy'n aros am apwyntiad dilynol yn cael eu hasesu'n rhithwir yn bennaf, naill ai dros y ffôn neu trwy Attend Anywhere, a hynny er mwyn osgoi oedi. Mae'r gwasanaeth ar hyn o bryd yn adolygu'r holl gleifion yn yr ôl-groniad hwn ac yn canolbwyntio ar y rhai sy'n aros hiraf.

Rydym ar hyn o bryd yn cynnig y dyddiad agosaf ar draws y bwrdd iechyd i helpu i leihau amseroedd aros.

Mae pob Ymgynghorydd yn ôl yn y gwasanaeth ac yn gweithio i gynlluniau swyddi llawn.

 

Cynlluniau ar gyfer y dyfodol

Cynhelir adolygiadau parhaus o'r gwasanaeth, a hynny'n rheolaidd. Bydd clinigau rhithwir dros y ffôn ac apwyntiadau wyneb yn wyneb yn parhau i gael eu darparu.

Rydym yn pennu cwmpas y broses o barhau i gyflwyno llwyfannau digidol er mwyn galluogi opsiynau amgen ar gyfer apwyntiadau cleifion. Bydd gwasanaethau digidol yn helpu i sicrhau y gall gofal hanfodol barhau tra bo gwasanaethau mwy hyblyg yn cael ei creu.

 

Sut mae cysylltu â ni

Dylech gyfeirio at eich llythyr at glaf i gael y manylion cyswllt, neu gysylltu â thîm y Gwasanaeth Cyngor a Chyswllt i Gleifion ar 0300 0200159 neu drwy ebost: hdhb.patientsupportservices@wales.nhs.uk 

Dilynwch ni ar:
Rhannwch: