Er mwyn diystyru achosion cildroadwy cyffredin nam ar y cof, gofynnwn i feddyg teulu gwblhau sgrin iechyd corfforol. Mae hyn er mwyn diystyru unrhyw achosion posibl eraill dros newidiadau yn eich cof cyn i chi gael eich cyfeirio at y gwasanaeth.
Mae gennym ni gytundeb lefel gwasanaeth ychwanegol gyda Chymdeithas Alzheimer sy'n neilltuo cefnogaeth ychwanegol yn ystod y broses asesu a diagnostig. Mae eu cynghorwyr dementia yn y gymuned yn darparu gwybodaeth, arweiniad a chefnogaeth ymarferol. Maent yn helpu pobl i ddeall eu symptomau, ymdopi â byw o ddydd i ddydd, llywio systemau iechyd a gofal cymdeithasol a pharatoi ar gyfer y dyfodol.
Fel arfer, cynhelir yr asesiadau mewn amgylchedd clinig, ac maent yn cymryd tua dwyawr, a bydd y diagnosis fel arfer wedi’i gwblhau cyn pen 12 wythnos i’r atgyfeiriad.