Teithio a thrafnidiaeth

Rydym am ddod â gofal yn nes at eich cartref a lleihau teithio ar gyfer derbyniadau diangen i’r ysbyty neu arhosiadau hir. Rydym yn cynllunio buddsoddiad sylweddol mewn cyfleusterau cymunedol yn nes at gartrefi pobl. Bydd hyn yn sicrhau y gallwch barhau i dderbyn eich gofal yn bennaf yn eich cartref a’ch cymunedau eich hun, neu o ysbytai mwy lleol.

Rydym hefyd yn datblygu Strategaeth Trafnidiaeth a Hygyrchedd. Bydd y strategaeth yn nodi ein gweledigaeth ar gyfer trafnidiaeth i’r ysbyty a’n gwasanaethau cymunedol a bydd yn ymdrin â materion fel trafnidiaeth cleifion brys a chleifion nad ydynt yn rhai brys, trafnidiaeth gyhoeddus a chymunedol, teithio gan staff, datgarboneiddio, meysydd parcio a darpariaeth tacsis neu gludwyr.