Oherwydd y tebygrwydd rhwng y safleoedd, canfu grwpiau o bobl a oedd yn eu hystyried o safbwyntiau penodol (gweler y bennod gynharach ar ‘Beth sydd wedi digwydd hyd yn hyn’) fod y gwahaniaethau rhyngddynt yn aml yn rhy fach i gael effaith ar argymhellion safleoedd:
Trwy’r broses dewis tir ar gyfer ein Hysbyty Gofal Brys a Gofal wedi’i Gynllunio newydd, fe wnaethom ymgysylltu â’n timau clinigol. Roedd y gwaith hwn yn cynnwys proses i nodi pa wasanaethau clinigol a chymorth y gallai lleoliad penodol yr ysbyty newydd o fewn ardal o’r parth y cytunwyd arno rhwng ac yn cynnwys Arberth a Sanclêr (h.y. naill ai ymhellach i’r dwyrain, canol neu orllewin) effeithio ar eu hyfywedd ar gyfer darparu gwasanaethau. Arweiniodd yr ymarfer hwn, ynghyd ag ymrwymiad blaenorol gan ein Bwrdd Iechyd i archwilio ymhellach i effaith ysbyty newydd ar wasanaethau menywod a phlant, at ddau werthusiad clinigol, sef:
Canfu’r grŵp arbenigol clinigol ar gyfer gwasanaethau strôc y byddai unrhyw un o’r ardaloedd yn y parth yn addas ar gyfer Ysbyty Gofal Brys a Gofal wedi’i Gynllunio newydd oherwydd y ffocws ar sut mae cleifion yn cael eu trin y tu hwnt i’w derbyniad i ysbyty.
Roedd y grŵp arbenigol ar gyfer obstetreg, gwasanaethau newyddenedigol a phediatreg o’r farn bod gwahaniaeth i’r gwasanaethau o ran lleoliad yr ysbyty o fewn gwahanol rannau o’r parth.