|
Sut y bydd byrddau iechyd ac ymddiriedolaethau yn cysylltu â chleifion a theuluoedd yr effeithir arnynt? Byddwn yn defnyddio dulliau gwahanol i gysylltu â chleifion a theuluoedd. Gall hyn gynnwys ffonio gyntaf, cyn anfon llythyr wedyn. Ar ôl y cysylltiad cyntaf hwnnw, bydd cleifion a theuluoedd yn cael un pwynt cyswllt a fydd yn parhau i fod ar gael iddyn nhw drwy gydol y broses. Bydd pob claf a/neu deuluoedd/cynrychiolwyr yn cael llythyr canlyniad terfynol yn esbonio'r ymchwiliad a gynhaliwyd a chanlyniad yr ymchwiliad hwnnw. |
|
 phwy y dylwn i gysylltu i ofyn a ydw i neu berthynas yn rhan o'r rhaglen? Efallai y bydd yn cymryd peth amser i ni weithio drwy ein hadolygiadau, efallai yr hoffech aros nes byddwn yn cysylltu â chi. Os oes gan glaf, teulu, neu gynrychiolydd ar eu rhan unrhyw gwestiynau, neu’n dymuno cael rhagor o fanylion am adolygiad o COVID-19 nosocomaidd nad oedd yn cyrraedd y trothwy niwed cymedrol ar gyfer cyswllt â chleifion, gallant gysylltu â’r bwrdd iechyd drwy e-bostio COVIDEnquiries.hdd@wales.nhs.uk neu ffonio 0300 303 8322. Dylai unrhyw glaf neu ei deulu sy’n dymuno mynegi pryder godi hyn yn uniongyrchol gyda’r tîm pryderon ym Mwrdd Iechyd Prifysgol Hywel Dda drwy ffonio 0300 0200 159 neu e-bostio hdhb.patientsupportservices@wales.nhs.uk.
|
|
Pryd y bydd cleifion a theuluoedd na chysylltwyd â nhw o'r blaen yn cael gwybod eu bod yn destun ymchwiliad? Rydym wrthi'n nodi pob achos y mae angen ymchwilio iddo er mwyn cyfathrebu â'r person hwnnw gan ddefnyddio'r manylion cyswllt hysbys diwethaf. Os yw'n hysbys bod claf wedi marw, mae'r broses yn cynnwys nodi aelodau o'r teulu neu gysylltiadau priodol eraill. Byddwn defnyddio gwybodaeth a gedwir ar eu systemau am y perthynas agosaf neu gysylltiadau enwebedig eraill o'r cyfnod gofal diwethaf i gefnogi hyn. |
|
Beth fydd yn digwydd os yw manylion y perthynas agosaf wedi newid ers y digwyddiad? Byddwn yn gwneud pob ymholiad rhesymol i sefydlu'r perthynas agosaf neu'r pwynt cyswllt enwebedig, yn aml gan ddefnyddio manylion a gofnodwyd yn ystod y cyfnod gofal diwethaf. Byddwn yn chwilio am wybodaeth a gedwir drwy wahanol wasanaethau y maent yn eu darparu er mwyn gallu cysylltu. |