Os oes angen i chi siarad â rhywun am eich iechyd meddwl, neu os ydych yn pryderu am aelod o’r teulu, gan gynnwys os yw’n fater brys, ffoniwch 111 a dewiswch opsiwn 2.
Byddwch wedi’ch cysylltu’n uniongyrchol â gweithiwr iechyd meddwl proffesiynol yn eich ardal ac ni fydd angen i chi aros yn hir. Mae'r rhif am ddim i'w ffonio o linell ffôn arferol neu ffôn symudol ac mae ar gael i bob oed. Cliciwch yma am fwy o wybodaeth am wasanaethau brys a thu allan i oriau (agor mewn dolen newydd).
Mae’n bwysig blaenoriaethu eich iechyd meddwl a’ch lles. Gallwch hefyd ffonio os nad ydych yn siŵr ble i droi i gael cyngor ac arweiniad ar eich iechyd meddwl.
Mae salwch meddwl yn rhywbeth y bydd un o bob pedwar oedolyn yn ei wynebu yn ystod eu hoes. Rydym yn cynnig amrywiaeth o wasanaethau iechyd meddwl cymunedol ac i gleifion mewnol ar draws ein Bwrdd Iechyd.
Os ydych chi’n teimlo o dan straen neu os ydych chi’n orbryderus mae cymorth newydd ar gael.
Gallwch gael rhagor o gymorth ar gyfer gorbryder, straen, iselder, anhwylderau bwyta, ac ar gyfer rheoli meddyliau a theimladau ar lein a dros y ffôn.
Ewch i: NHS Wales 111 iechyd meddwl tudalen gwasanaeth (agor mewn dolen newydd)
Mae cefnogaeth leol arall ar gael yma:
Gweithredu Iechyd Meddwl Gorllewin Cymru (agor mewn dolen newydd)
Gwybodaeth, Ymwybyddiaeth a Llesiant Nawr (agor mewn dolen newydd)