Mae’r ffliw a COVID-19 yn cael eu hachosi gan feirysau sy’n lledaenu’n hawdd iawn ac sy’n gallu achosi i rai pobl fynd yn ddifrifol wael a marw. Mae pobl hŷn a’r rhai â chyflyrau iechyd penodol mewn mwy o berygl.
Y gaeaf hwn, rydym yn disgwyl i’r ffliw a COVID-19 gylchredeg yr un pryd, felly mae’n bwysig iawn eich bod yn cael eich amddiffyn i leihau’r risg o fod angen gofal ysbyty oherwydd yr heintiau hyn.
Pobl rhwng 6 mis a 64 oed sydd â chyflwr iechyd hirdymor (sy’n cynnwys menywod beichiog a phobl â system imiwnedd wan)
Preswylwyr mewn cartrefi gofal i oedolion hŷn
Pobl 65 oed a hŷn (oed ar 31 Mawrth 2025)
Bydd y broses o gyflwyno’r brechlyn COVID-19 ar gyfer grwpiau cymwys yn dechrau ym mis Hydref.
Yn 2024, cynghorodd arbenigwyr y DU ar frechu fod rhoi’r brechlyn COVID-19 i’r rhai sy’n gweithio gyda phobl agored i niwed a’r rhai sy’n gofalu amdanynt yn cynnig amddiffyniad cyfyngedig yn unig i’r rhai a oedd yn eu gofal. O ganlyniad, nid ydynt yn cynghori cynnwys y grwpiau hyn yn y rhaglen.
Fodd bynnag, yng Nghymru ar gyfer 2024, gall y grwpiau canlynol ofyn am frechlyn COVID-19 yr hydref hwn os ydynt yn dymuno cael un.
Os oes gennych unrhyw gwestiynau am y brechlyn COVID-19, mae croeso i chi gysylltu â’r bwrdd iechyd ar 0300 303 8322 neu drwy e-bostio ask.hdd@wales.nhs.uk a byddwn yn hapus i helpu.