Mân anafiadau
Os oes gennych anaf nad yw'n peryglu bywyd, gallwch fynd i Uned Mân Anafiadau (UMA) neu wasanaeth cerdded i mewn dan arweiniad nyrsys am help, yn hytrach nag adran argyfwng.
Trwy wneud hynny, gall adrannau argyfwng ganolbwyntio ar y rhai sydd â'r afiechydon a'r anafiadau mwyaf difrifol a bygythiol.
Mae gennym wasanaeth galw heibio dan arweiniad nyrsys yn Ysbyty Dinbych-y-pysgod yn ogystal ag unedau mân anafiadau ym mhob un o'n prif ysbytai yng Aberystwyth, Nghaerfyrddin, Hwlffordd a Llanelli.
Pryd i fynychu uned mân anafiadau:
Gall unedau mân anafiadau drin unrhyw un dros 12 mis oed a gyda mân anaf fel*:
- Esgyrn wedi torri (toriadau)
- Dadleoliadau, ysigiadau a straen
- Clwyfau a mân losgiadau
- Pigau pryfed
- Anafiadau i'r asennau (os nad ydych yn pesychu gwaed neu does dim haint ar y frest)
- Brathiadau pryfed, anifeiliaid a dynol
- Cyrff estron i'r llygaid, y clustiau a'r trwyn
- Anafiadau i'r pen neu'r wyneb (os nad oes colled neu newid yn lefel ymwybyddiaeth)
- Anafiadau llygaid a chlust nad ydynt yn dreiddiol
- Mân anafiadau i'r gwddf
- Mân anafiadau i'r cefn
*Rydym yn cynghori ffonio’r uned mân anafiadau i weld a allant ddelio â'ch anaf/salwch cyn ymweld.
Mân salwch neu ofal anafiadau i blant dan 12 mis oed
Bydd angen i blant dan 12 mis oed sydd â mân anaf neu salwch gael eu gweld mewn adran Achosion Brys (yn agor mewn dolen newydd).
Os nad yw eu salwch neu anaf yn brys:
- Defnyddiwch Gwiriwr Symptomau GIG Cymru (yn agor mewn dolen newydd)
- Gwnewch apwyntiad gyda'ch meddyg teulu
- neu ffoniwch GIG 111 Cymru os nad ydych yn siŵr ble i fynd.
Ffoniwch 999 os ydych chi, neu rywun gyda chi, yn profi argyfwng sy'n peryglu bywyd neu wedi profi trawma difrifol.
Helpwch ni i'ch helpu chi
Drwy ddewis y gwasanaeth cywir ar gyfer eich salwch neu anaf, nid yn unig rydych chi'n gofalu am eich iechyd ond yn defnyddio gwasanaethau'ch GIG yn gyfrifol. Mae hyn wedyn yn helpu ein staff i'ch trin a gofalu amdanoch chi'n briodol.
Os gallai gwasanaeth gofal iechyd arall yn lleol ddelio â'ch anaf neu salwch, byddwch yn cael gwybodaeth am sut i gael mynediad at y gwasanaeth(au) sydd eu hangen arnoch.
I gael rhagor o wybodaeth am wasanaethau amgen sydd ar gael yn Sir Gaerfyrddin, Ceredigion a Sir Benfro, ewch i'n tudalen we Helpwch ni i'ch helpu chi yma (yn agor mewn tab newydd).
Sylwch ar y newidiadau canlynol i'n horiau agor dros dymor yr ŵyl ar gyfer gwasanaeth Gofal Brys yr Un Diwrnod (SDUC) Canolfan Gofal Integredig Aberteifi a gwasanaeth cerdded i mewn dan arweiniad nyrsys Ysbyty Dinbych-y-pysgod.
