Cyngor pwysig os oes gennych asthma

Ewch i weld meddyg teulu, nyrs asthma neu arbenigwr cyn gynted ag y byddwch yn gwybod eich bod yn feichiog am gyngor ar sut i reoli eich asthma. Bydd eich bydwraig yn eich cefnogi drwy gydol eich beichiogrwydd, ond bydd eich meddyg teulu, nyrs asthma neu arbenigwr yn parhau i reoli eich gofal asthma. Rydych hefyd yn fwy tebygol o ddioddef o adlif asid - pan fydd asid stumog yn teithio yn ôl i fyny tuag at y gwddf - tra'n feichiog, a all wneud asthma yn waeth.

Cyngor brys: Ffoniwch eich meddyg teulu, nyrs asthma neu 111 ar unwaith os ydych:

• yn defnyddio mwy o'ch anadlydd nag arfer;
• yn pesychu neu wichian mwy, yn enwedig gyda'r nos;
• yn teimlo'n fyr eich anadl neu'n dynn yn eich brest.

Gallai unrhyw un o'r rhain olygu bod eich asthma yn gwaethygu a bod angen ei wirio. 

Angen gweithredu ar unwaith: Ffoniwch 999 os ydych yn cael pwl o asthma ac mae unrhyw un o'r rhain yn berthnasol:

• os ydych yn teimlo'n waeth er eich bod yn defnyddio'ch anadlydd;
• dydych chi ddim yn teimlo'n well ar ôl cymryd deg pwff.