Mae unedau obstetreg wedi’u lleoli mewn ysbytai ac maent yn darparu gwasanaethau 24 awr y dydd, gan gynnwys gofal meddygol, obstetreg, newydd-anedig ac anesthetig. Er bod gofal yn cael ei ddarparu gan dîm o bobl, bydd obstetregwyr (meddygon sy’n arbenigo mewn genedigaethau) yn arwain eich gofal os oes perygl mawr o gymhlethdodau yn ystod yr esgor a’r geni. Mae bydwragedd hefyd yn darparu gofal i bob menyw mewn uned obstetreg ac yn arwain eich gofal os yw’r beichiogrwydd a’r geni yn ddidrafferth.