Pryderon yn ystod beichiogrwydd
Gall pryderon yn ystod beichiogrwydd fod yn ofidus, ond mae yna wasanaethau i helpu. Os nad ydych wedi mynd y tu hwnt i 20 wythnos o feichiogrwydd, ffoniwch eich bydwraig gymunedol, neu'r uned beichiogrwydd cynnar. Os ydych wedi mynd y tu hwnt i 20 o feichiogrwydd a bod gennych unrhyw bryderon, cysylltwch â naill ai eich bydwraig gymunedol, neu'r gwasanaeth brysbennu mamolaeth ar gyfer eich ardal.
Os ydych yn profi unrhyw un o'r canlynol:
- smotio neu waedu;
- chwydu cyson;
- hylif yn gollwng;
- poen wrth basio dŵr;
- cur pen parhaus, difrifol;
- chwyddo yn yr wyneb, y dwylo, neu'r coesau;
- cyfangiadau neu grampiau;
- cosi, yn enwedig ar y dwylo neu'r traed;
- poen sydyn neu barhaus yn yr abdomen;
- poen yn y pelfis;
- golwg aneglur, gweld smotiau;
- symudiadau'r babi yn arafu neu'r patrwm yn newid;
- tymheredd uchel;
neu os oes gennych unrhyw bryderon eraill amdanoch chi neu eich babi, ffoniwch eich bydwraig gymunedol neu'r rhif brysbennu ar flaen eich nodiadau. Mae'r gwasanaeth brysbennu yn agored 24 awr y dydd, saith niwrnod yr wythnos.