Gwasanaeth ystafell blastro

Mae tîm yr ystafell blastro yn helpu cleifion o bob oed sydd angen cefnogaeth ar gyfer anafiadau i'w breichiau neu goesau. Rydym yn darparu ac yn cynnal castiau, sblintiau a brêsys meddygol i gadw'ch anaf yn ddiogel a'i helpu i wella'n iawn.

Byddwn yn egluro eich triniaeth ac yn rhoi cyngor hunangymorth i chi.

Efallai y cewch eich cyfeirio atom ni ar gyfer:

• trin tor-asgwrn;
• cefnogi iachâd ar ôl anaf i feinweoedd meddal;
• darparu cefnogaeth ar ôl llawdriniaeth neu
• helpu eich adferiad ar ôl triniaeth orthopedig.

Mae ein tîm yn cynnwys ymarferwyr orthopedig sydd wedi'u hyfforddi'n arbennig. Rydym yn gweithio'n agos gyda meddygon, nyrsys a staff gofal iechyd eraill i wneud yn siŵr eich bod yn cael y gofal cywir ar yr amser cywir.