Firysau a gludir yn y gwaed
Gall unrhyw un sydd wedi cael diagnosis o firws a gludir gan y gwaed ddefnyddio'r gwasanaeth hwn, gan gynnwys partneriaid, teulu a gofalwyr y sawl sydd wedi'u heintio. Rydym yn derbyn atgyfeiriadau gan ymarferwyr meddygol, nyrsys a thimau camddefnyddio sylweddau, neu gall cleifion eu hatgyfeirio eu hunain.
Yr hyn yr ydym yn ei wneud:
- profi ar gyfer hepatitis B, hepatitis C ac HIV
- gofal clinigol ar gyfer unrhyw un sydd wedi cael diagnosis o firws a gludir yn y gwaed
- cymorth emosiynol, seicolegol a chymdeithasol ar gyfer y rhai sydd wedi'u heintio
- trin a monitro cleifion sydd wedi cael diagnosis o hepatitis B ac C
- cysylltu â'r ganolfan ranbarthol ar gyfer cleifion sydd wedi cael diagnosis o HIV
- atgyfeirio at wasanaethau eraill, e.e. seiciatreg, ffisiotherapi, y gwasanaethau cymdeithasol, yn ôl yr angen
- cysylltu â'r gwasanaethau camddefnyddio sylweddau, y gwasanaethau cymdeithasol, ac ati, er mwyn darparu'r gofal optimwm
- addysg ar gyfer cleifion, gofalwyr ac eraill arwyddocaol
- addysg ar gyfer staff gofal iechyd ac asiantaethau allanol
Gwiriad Iechyd yr Afu Am Ddim
- A allech chi fod wedi cael trallwysiad gwaed cyn 1991?
- Ydych chi erioed wedi chwistrellu/sniffian cyffuriau neu wedi bod gyda rhywun sydd wedi?
- Oes gennych chi datŵ neu’n teithio'n helaeth o amgylch y byd?
- Ydych chi wedi chwistrellu steroidau?
Firysau a gludir yn y gwaed yw hepatitis B a C sy'n lledaenu o berson i berson trwy gysylltiad â gwaed a/neu hylifau corfforol heintiedig.
Nid yw llawer o bobl yn dangos unrhyw symptomau ac felly nid ydynt yn ymwybodol o'u haint. Os na chânt eu trin, gall y firysau hyn arwain at glefyd cronig yr afu.
Beth fydd ar gael:
- Profion ar gyfer y gwaed hep gyda chanlyniadau ar yr un diwrnod
- Sgan yr afu (Fibroscan)
- Mesur pwysedd gwaed
- Cyngor dietegydd
- Cyngor cyfrinachol ar gyffuriau ac alcohol
- Profion a chyngor ar gyfer diabetes
- Ymyriadau byr
- Cefnogaeth a chyngor ar dai
- Hyrwyddo ac addysg iechyd
Nid oes angen apwyntiad
Manylion Cyswllt
Nicola Reeve - Nyrs Glinigol Arbenigol ym Maes Firysau a Gludir gan y Gwaed (Sir Gaerfyrddin)
Rhif Ffôn: 01554 899016
Ebost: nicola.reeve@wales.nhs.uk
Donna Blinston - Nyrs Glinigol Arbenigol ym Maes Firysau a Gludir gan y Gwaed/Nyrs Gyswllt Alcohol (Ceredigion)
Rhif Ffôn: 01970 635614
Ebost: donna.blinston@wales.nhs.uk
Kerry Davies - Nyrs Glinigol Arbenigol ym Maes Firysau a Gludir gan y Gwaed (Sir Benfro)
Rhif Ffôn: 07977332658
Ebost: Kerry.Davies10@wales.nhs.uk
Feirysau a gludir yn y gwaed a Fi
Efallai eich bod yn meddwl, oherwydd eich bod mewn perthynas sefydlog, nad ydych yn cymryd cyffuriau neu’n gweithio gyda nodwyddau, nad oes gan feirysau a gludir yn y gwaed, fel HIV neu Hepatitis B a C unrhyw beth i’w wneud â chi.
Ond y gwir yw, mae’r rhan fwyaf o’r bobl sy’n eu trosglwyddo, yn union fel chi.=
Mae hyn oherwydd bod grwpiau Risg Uchel yn fwy tebygol o ddefnyddio amddiffyniad a’u bod wedi’u targedu’n dda â gwybodaeth am fesurau ataliol y gallant eu cymryd.
Os ydych chi’n trosglwyddo feirws a gludir yn y gwaed heddiw, mae’n debygol o fod oherwydd nad oes gennych chi unrhyw symptomau a dim syniad bod gennych chi’r feirws.
Ond fel gydag unrhyw salwch, i’w gadw dan reolaeth, mae’n llawer gwell gwybod.
Felly hyd yn oed os mai dim ond unwaith rydych chi wedi cael rhyw, neu os ydych chi wedi bod gyda’r un partner ers blynyddoedd. Mae’n syniad da cael prawf. Gallwch gael prawf pigiad brys yn ddiffwdan yn y post neu mewn clinig yn eich ardal chi, a derbyn eich canlyniadau trwy neges destun, o fewn ychydig ddyddiau.
Gyda meddyginiaeth fodern, gellir gwella Hepatitis C, a gall pobl sy’n byw gyda Hepatitis B neu HIV ddisgwyl byw bywydau llawn, gyda dim modd canfod y feirws yn eu gwaed, na’i drosglwyddo i unrhyw un arall. Ni waeth beth rydych chi’n ei wneud gyda’ch gilydd.
Felly pe bai pawb yng Nghymru yn cael eu profi fel mater o drefn, fe allem mwy neu lai atal lledaeniad feirysau a gludir yn y gwaed yn llwyr.
