Mae sicrhau bod ein holl blant a phobl ifanc yn cael y cyfle i gael plentyndod iach, hapus nid yn unig yn un o'r camau pwysicaf i sicrhau 'Canolbarth a Gorllewin Cymru Iachach' ond hefyd yn un o'r rhai mwyaf moesegol – mae gennym ddyletswydd i roi cyfleoedd i'n plant a'n pobl ifanc i gyflawni bywyd da ac iach.
Trwy fuddsoddi yn lles ein plant a'n pobl ifanc heddiw, gallwn sicrhau dyfodol iachach i bawb.
Mae un o'n mentrau yn y maes hwn yn canolbwyntio ar weithio gyda'n partneriaid ar y rhaglenni isod i sicrhau bod pob ysgol:
- Yn ysgol hapus
- yn gymuned ofalgar sy'n ymwneud ag iechyd ei holl aelodau, disgyblion, athrawon, staff nad ydynt yn addysgu a phawb sy'n rhyngweithio â hi
- annog disgyblion i gydnabod bod yr hyn y maent yn ei wneud yn cyfrif – ein bod ni i gyd yn effeithio ar fywydau ein gilydd
- cydnabod bod addysg iechyd nid yn unig yn cael ei haddysgu yn yr ystafell ddosbarth, ond yn cael ei chefnogi a’i hatgyfnerthu ym mywyd beunyddiol yr ysgol a’r gymuned leol
- darparu'r wybodaeth sydd ei hangen ar ddisgyblion am amrywiol agweddau iechyd a'u hannog i gymryd cyfrifoldeb am eu gweithredoedd eu hunain
- Swyddogion ysgol ymroddedig
- Cefnogaeth 1-i-1 i ysgolion nodi a chynllunio gweithredu ar gyfer eu blaenoriaethau iechyd a lles
- Cyfleoedd hyfforddi a rhwydweithio
- Adnoddau
- Gwybodaeth ac arweiniad sy'n seiliedig ar dystiolaeth
Rydym yn gweithio gydag ystod o bartneriaid i fynd i'r afael â dulliau system o iechyd a lles ar lefelau lleol, rhanbarthol a chenedlaethol, dan arweiniad polisïau cenedlaethol ar gyfer Cymru.