Ysbyty Tywysog Philip - Uned Mân Anafiadau
Beth i wneud os oes gennych fân anaf
Mae'r Uned Mân Anafiadau yn Ysbyty Tywysog Philip, Llanelli, yn darparu gofal i oedolion a phlant dros 12 mis oed sydd â mân anafiadau fel:
- mân glwyfau
- mân frathiadau a phigiadau (gan bobl, pryfed, neu anifeiliaid)
- mân losgiadau neu sgald
- Mân anafiadau i'r pen / torri croen y pen
- Darnau estron yn y glust neu'r trwyn
- mân anafiadau i'r cymalau
- mân anafiadau i'r llygaid
Nid oes gan yr ysbyty Adran Achosion Brys na ward pediatrig (plant).
Os ydych chi'n byw yn, yn agos neu'n ymweld â Llanelli ac yn cael mân anaf yn ystod y dydd (rhwng 8.00am ac 8.00pm), gallwch gerdded i mewn i'r Uned Mân Anafiadau yn Ysbyty Tywysog Philip.
Os bydd eich mân anaf yn digwydd rhwng 8.00pm ac 8.00am ac na allwch aros tan y diwrnod canlynol, defnyddiwch:
- gwiriwr symptomau GIG Cymru ar-lein (agor mewn dolen newydd).
- neu ffoniwch GIG 111 Cymru am gyngor (dewiswch opsiwn 2 ar gyfer cymorth iechyd meddwl)
Mewn argyfwng sy'n peryglu bywyd, p'un a ydych chi'n oedolyn, person ifanc, neu ar gyfer plentyn, deialwch 999 bob amser.
Dolenni defnyddiol eraill
Gallwch ddarllen mwy am ystod ein gwasanaethau ar y dudalen we gofal brys (agor mewn dolen newydd)
Gallwch hefyd ddarllen mwy ar ein tudalen we uned mân anafiadau (agor mewn dolen newydd)
Ar gyfer anghenion iechyd plant ac ieuenctid, gallwch ddarllen mwy ar ein tudalen we iechyd plant (agor mewn dolen newydd)