Adleoli i'r ardal
Ad-dalu costau adleoli
Mae polisi Bwrdd Iechyd Prifysgol Hywel Dda ynglŷn ag ad-dalu costau adleoli ar gyfer staff newydd a recriwtiaid cymwys ar waith i hwyluso'r broses o symud i ardal newydd. Mae hefyd yn egluro pa gymorth ariannol sydd ar gael i bob darpar gyflogai, ac o dan ba amgylchiadau.
Edrychwch ar bolisi costau adleoli y Bwrdd Iechyd yma (yn agor mewn tab newydd).
Llety
Efallai y bydd llety meddiannaeth unigol byrdymor ar gael ar y safle ar gyfer gweithwyr gofal iechyd proffesiynol sy'n adleoli i'r ardal hon. Gall recriwtiaid cymwys wneud cais am gymorth llety trwy'r tîm recriwtio (yn agor mewn tab newydd).
Dod o hyd i rywle i'w rentu
Pan fyddwch wedi cael cynnig swydd a fisa, gallwch ddechrau chwilio am rywle i'w rentu. Gallwch chwilio ar-lein am wefannau chwilio am eiddo – megis gwerthwyr tai lleol yn yr ardal lle y byddwch yn byw. Yna, byddwch yn gallu edrych ar eiddo.
Er mwyn rhentu, bydd arnoch angen y canlynol:
- Blaendal – fel arfer, cost y rhent am un i dri mis
- Ffioedd gweinyddu eraill – dylech allu gweld manylion yr holl ffioedd yn glir ar wefan yr asiant
- Prawf o hunaniaeth, statws o ran mewnfudo a statws cyflogaeth
- Geirdaon
