Unedau Mân Anafiadau
Gall Unedau Mân Anafiadau drin oedolion a phlant dros 12 mis oed, gyda mân anafiadau fel y canlynol:
- mân glwyfau
- mân frathiadau neu bigiadau gan berson, bryfyn neu anifail arall
- mân losgad neu sgaldiad
- mân anaf i’r pen / rhwyg i groen y pen
- darn estron yn y glust neu’r trwyn
- mân anaf i goes neu fraich
- mân anaf i’r llygaid
Mae angen gweld plant o dan 12 mis oed, gyda mân anafiadau, mewn Adrannau Brys.
Yn ogystal, dylid mynd â phlant sydd â salwch neu anafiadau lle mae anffurfiad i goes neu fraich, i adran argyfwng. Yn ein hardal ni, dyma Ysbyty Glangwili, Caerfyrddin, neu Ysbyty Bronglais, Aberystwyth. Efallai y bydd staff mewn Uned Mân Anafiadau, yn GIG 111 Cymru neu eich Meddyg Teulu hefyd yn gofyn i chi fynd â'ch plentyn i un o'r ysbytai hyn os oes angen.
Mae Unedau Mân Anafiadau yn cael eu rhedeg gan dîm profiadol o Ymarferwyr Nyrsio Brys medrus iawn, Nyrsys Brysbennu a Gweithwyr Cymorth Gofal Iechyd. Mae Ysbyty'r Tywysog Philip, yn Llanelli, yn uned dan arweiniad meddygon.
Mae rhai wedi'u lleoli ar brif safleoedd ysbytai, sydd ag Adrannau Brys hefyd, ac mae eraill mewn canolfannau gofal iechyd yn y gymuned.
Mewn argyfwng, ffoniwch 999. Ar gyfer salwch, sy'n peri pryder i chi, gwiriwch eich symptomau ar y gwirwyr symptomau ar-lein (agor mewn dolen newydd) neu siaradwch â'ch meddyg teulu. Os ydych chi'n ansicr, ffoniwch GIG 111 Cymru.
Gallwch hefyd ymweld â'n tudalen we Damweiniau ac Achosion Brys yma (agor mewn dolen newydd)
