Peswch

Os ydych yn codi fflem neu fwcws wrth beswch, gall ffisiotherapydd ddangos ffyrdd i chi i’ch helpu i glirio eich ysgyfaint.  

Os ydy’ch peswch yn sych heb unrhyw fflem neu fwcws, yna gall ceisio ei atal helpu i atal eich egni.

Pedair ffordd allweddol i helpu lleihau peswch

1. Oedi’r peswch – rhowch gynnig ar un neu fwy o’r canlynol

• ARHOSWCH rai eiliadau. Cyfrwch yn araf o un am gyhyd ag y gallwch
• Ceisiwch y dechneg Dylyfu a Llyncu gan ddylyfu yn hawdd, byr ac ysgafn yna llyncu yn syth. Sicrhewch nad ydych yn gorfodi’r dylyfu o gwbl, ni ddylech fod yn defnyddio gormod o gyhyrau
• Rhowch gynnig ar rai o’r technegau anadlu a amlinellwyd yn yr adran diffyg anadl (agor mewn dolen newydd)

2. Rhowch gynnig ar rywbeth arall – beth am un neu ddau o’r canlynol, ond DIM OND os nad oes gennych broblemau llyncu.

• Llyncu
• Llyncu’n galed (gyda llawer o ydrech)
• Cymerwch lwnc o ddŵr
• Cnowch gwm cloi neu sugnwch losin caled

Os ydych yn ansicr, trowch at y rhan ar Fwyta ac Yfed yn Dda (agor mewn dolen newydd).

3. Stopio’r peswch

• Ceisiwch beidio â pheswch o gwbl. Sylwch ar y teimladau. Byddwch yn gyffyrddus a pheidiwch â chynhyrfu tra’n anadlu’n rheolaidd ac yn ysgafn
• Ystyriwch sut yr ydych yn teimlo pan mae arnoch eisiau peswch

Ceisiwch dynnu sylw eich hun

• Sipiwch ddŵr neu ddefnyddiwch dechneg anadlu ysgafn i dynnu eich sylw
• Canolbwyntiwch ar rywbeth o’ch cwmpas: edrychwch am rywbeth i’w wneud yn syth, fel clirio neu symud rywbeth
• Anadlwch yn ysgafn a chanolbwyntiwch ar rywbeth fydd yn tynnu eich sylw oddi ar yr ysfa i beswch