Ar gyfer cleifion hyperthyroid (gorweithredol) propylthiowrasil (PTU) yw'r feddyginiaeth o ddewis yn ystod beichiogrwydd am y tri mis cyntaf yn unig. Carbimasol yw'r cyffur a ddefnyddir yn ystod gweddill beichiogrwydd.
Dylech drafod eich cynlluniau ar gyfer beichiogrwydd gyda'ch endocrinolegydd cyn i chi geisio beichiogi oherwydd efallai y bydd angen newid eich meddyginiaeth, neu mewn rhai achosion gellir ei atal.
Os ydych yn cael eich trin â chyffuriau gwrth-thyroid (e.e. carbimasol neu PTU) ac nad ydych eisoes wedi trafod eich cynlluniau beichiogrwydd â nhw ymlaen llaw, dylech gysylltu â'ch endocrinolegydd neu'ch meddyg teulu cyn gynted â phosibl ar ôl i'r beichiogrwydd gael ei gadarnhau oherwydd efallai y bydd angen addasu eich meddyginiaeth.