Beth yw problemau CHD yn ystod beichiogrwydd?

Y prif risg os ydych yn feichiog a bod gennych CHD yw trawiad ar y galon. Mae clefyd cardiaidd yn brin yn ystod beichiogrwydd, ond mae'n un o brif achosion marwolaeth yn ystod beichiogrwydd.

Nid yw'r siawns o unrhyw niwed i'ch babi yn hysbys, er y gallai rhai o'r meddyginiaethau y gallech fod yn eu cymryd ar gyfer eich clefyd coronaidd y galon neu gyflyrau cysylltiedig, fel diabetes neu bwysedd gwaed uchel, effeithio ar eich babi.

Mae gennych siawns uwch o ddatblygu CHD os ydych;

• ysmygu:
• dros bwysau;
• â hanes teuluol o CHD cynnar – os cafodd eich tad neu frawd ddiagnosis o CHD cyn 55 oed, neu os cafodd eich mam neu'ch chwaer ddiagnosis cyn 65 oed;
• â diabetes;
• â phwysedd gwaed uchel;
• yn hŷn – po hynaf ydych chi, y mwyaf tebygol ydych chi o ddatblygu clefyd y galon.

Po fwyaf o'r pethau hyn sydd gennych, y mwyaf tebygol yw hi y byddwch yn datblygu clefyd y galon.