Nwy ac aer (Entonox) ar gyfer y cyfnod esgor

Mae Entonox yn nwy sy'n cynnwys 50% ocsid nitrus a 50% ocsigen. Fe'i gelwir weithiau yn nwy ac aer.

• Rydych yn anadlu'r Entonox trwy fwgwd neu ddarn ceg.
• Mae'n syml, yn gweithredu'n gyflym ac yn pylu mewn munudau.
• Gall weithiau wneud i chi deimlo'n benysgafn neu braidd yn sâl am gyfnod byr.
• Nid yw'n niweidio eich baban ac mae'n rhoi ocsigen ychwanegol i chi, a allai fod yn dda i chi a'ch baban.
• Ni fydd yn lladd y boen yn gyfan gwbl, ond gallai helpu.
• Gallwch ei ddefnyddio unrhyw bryd yn ystod y cyfnod esgor.

Chi a fydd yn rheoli faint o Entonox y byddwch yn ei ddefnyddio, ond i gael yr effaith orau mae'n bwysig amseru'n gywir. Dylech ddechrau anadlu Entonox cyn gynted ag y byddwch yn teimlo bod cyfangiad yn cychwyn, fel eich bod yn cael yr effaith lawn pan fydd y boen ar ei gwaethaf. Ni ddylech ei ddefnyddio rhwng cyfangiadau nac am gyfnodau hir gan y gall achosi pinnau bach ar eich croen a gwneud i chi deimlo'n benysgafn.