Alcohol a chyffuriau yn ystod beichiogrwydd
Alcohol yn ystod Beichiogrwydd
Cyffuriau yn ystod beichiogrwydd
Gall defnyddio cyffuriau anghyfreithlon neu hamdden, er enghraifft canabis, canabis synthetig (a elwir yn sbeis), cocên a chyffuriau eraill megis ecstasi, cetamin ac amffetaminau, gyfrannu at broblemau ffrwythlondeb. Mae hyn yn golygu, os ydych chi neu eich partner yn cymryd cyffuriau, efallai y byddwch yn ei chael yn anoddach beichiogi. Gall cyffuriau anghyfreithlon neu hamdden hefyd achosi problemau difrifol yn ystod beichiogrwydd.
Canabis yw'r cyffur a ddefnyddir amlaf. Yn achos menywod, gall defnydd trwm o ganabis achosi camreolaeth hormonau (hormonau anghytbwys), felly mae menywod sy'n ei ddefnyddio yn debygol o gael problemau wrth feichiogi, o gymharu â'r rhai nad ydynt yn ei ddefnyddio.
Gall cyffuriau cyfreithlon eraill, megis diazepam ac opiadau lladd poen (p'un a ydynt ar bresgripsiwn ai peidio) achosi problemau hefyd. Os ydych yn ceisio beichiogi mae'n bwysig siarad â'ch meddyg neu eich fferyllydd cyn cymryd unrhyw feddyginiaethau.
Rhagor o wybodaeth a chymorth
- Cliciwch yma i weld Dewisiadau'r GIG (yn agor mewn dolen newydd) - yn darparu cyngor a gwybodaeth am alcohol ac yn cynnig cronfa ddata o wasanaethau cymorth a thriniaeth
- Drinkline yw’r llinell gymorth alcohol genedlaethol. Os ydych yn poeni am eich yfed eich hun neu rywun arall, ffoniwch y llinell gymorth rad ac am ddim hon ar 0300 123 1110 (9.00am - 8.00pm yn ystod yr wythnos, 11.00am - 4.00pm ar benwythnosau)
- Cliciwch yma i weld Drinkaware Trust (yn agor mewn dolen newydd) - mae Drinkaware yn darparu gwybodaeth a chyngor ar yfed alcohol, gan gynnwys ffyrdd o fonitro faint o alcohol yr ydych yn ei yfed
- Cliciwch yma i weld Frank (yn agor mewn dolen newydd) - mae Frank yn darparu cyngor cyfrinachol am ddim ar gymryd cyffuriau, ac yn rhoi gwybodaeth am wasanaethau cymorth lleol
- Cliciwch yma i weld Alcoholics Anonymous (AA) (yn agor mewn dolen newydd)- mae Alcoholics Anonymous yn grŵp hunangymorth rhad ac am ddim. Mae ei raglen "12 cam" yn ymwneud ag aros yn sobr gyda help grwpiau cymorth rheolaidd