Deintyddol

Mae practisau deintyddol yn gofalu amiechyd y geg yn gyffredinol. O archwiliadau arferol i drin poen deintyddol, heintiau a chlefyd y deintgig, gall eich tîm deintyddol eich helpu i gadw'ch dannedd a'ch ceg yn iach.

Gall ymweliadau deintyddol rheolaidd helpu i atal problemau cyn iddynt ddod yn ddifrifol. Bydd eich gweithiwr proffesiynol deintyddol yn gallu eich cynghori pa mor aml y mae angen archwiliad arferol arnoch.

Os ydych chi'n profi problemau fel poen dannedd, deintgig gwaedlyd, wlserau'r geg neu sensitifrwydd, mae'n well cysylltu â deintydd yn hytrach na'ch meddyg teulu.

Mae deintyddion wedi'u hyfforddi'n arbennig i wneud diagnosis o broblemau iechyd y geg a'u trin. Mae ganddyn nhw'r offer a'r arbenigedd cywir i ddarparu'r gofal mwyaf effeithiol ar gyfer y cyflyrau hyn.

Gwelwch isod sut i gael mynediad at wasanaethau deintyddol yn eich ardal

Iechyd y geg

Mae iechyd y geg da yn bwysig ar gyfer iechyd a lles. Gall trefn frwsio/glanhau reolaidd helpu i leihau'r risg o broblemau iechyd y geg, poen, anghysur a cholli dannedd.

Negeseuon allweddol ar gyfer cynnal iechyd y geg da:

Brwsiwch ddannedd ddwywaith y dydd gyda phast dannedd fflworid
Glanhewch rhwng eich dannedd gyda fflos neu frwsys rhyngddannedd bob dydd
Glanhewch ddannedd gosod bob dydd gyda chynhyrchion gofal y geg
Cael archwiliadau deintyddol rheolaidd yn ôl cyngor eich deintydd
Cael diet cytbwys iach, gan gyfyngu ar gymeriant alcohol a siwgr.

Mae deintyddion yn rhan bwysig o'n tîm gofal sylfaenol. Gallwch ddysgu mwy am ba wasanaethau gofal sylfaenol eraill sydd ar gael yn ein hardal yma (agor mewn dolen newydd)

Gallwch wylio ein cyfres fideo gofal sylfaenol o'r enw Fy Iechyd, Fy Newis yma (agor mewn dolen newydd)

Mae'r fideos hyn yn trafod beth mae pob gwasanaeth yn ei gynnig a sut allwch chi ofalu amdanoch chi'ch hun mewn fideos byr, hawdd eu deall