Mae ein Cynllun Blynyddol ar gyfer 2026/27 yn canolbwyntio ar bedwar prif flaenoriaeth – ein hamcanion strategol. Mae'r rhain yn cyd-fynd â chynlluniau iechyd cenedlaethol ac fe'u gelwir yn: timau ffyniannus, cymunedau iachach, gofal gwych, a dyfodol cadarnhaol.
Credwn fod popeth yn dechrau gyda thimau ffyniannus . Pan fydd ein staff yn teimlo eu bod yn cael eu cefnogi a'u gwerthfawrogi, gallant roi'r gofal gorau i bobl. Mae hyn yn arbennig o bwysig ym maes gofal iechyd, sydd i gyd yn ymwneud â phobl yn helpu pobl.
Mae'r timau hyn yn helpu i gefnogi cymunedau iachach. Maent yn gwneud hyn drwy ganolbwyntio ar fynd i'r afael â'r rhwystrau i anghydraddoldebau iechyd, cryfhau a datblygu gofal sylfaenol a gwasanaethau cymunedol o amgylch anghenion, profiadau a lles cymunedau lleol. Byddwn hefyd yn gweithio i ddatblygu cymunedau gwydn sy'n gysylltiedig.
Pan fydd ei angen ar bobl, dylent dderbyn gofal gwych sy'n ddiogel, o ansawdd uchel ac yn cael ei ddarparu mewn modd amserol, gan eu helpu i gyflawni gwell iechyd.
Yn olaf, rydym am adeiladu dyfodol cadarnhaol , lle mae pobl yn cael eu geni'n iach, yn byw'n dda, yn heneiddio'n dda, ac yn cael eu cefnogi ag urddas ar ddiwedd oes. Rydym hefyd am i'r GIG chwarae ei ran wrth adeiladu cymdeithas gref a chynaliadwy.
Mae ein Cynllun Blynyddol ar gyfer 2026/27 yn glir, yn realistig, ac yn agored, ac yn dangos y cynnydd rydym wedi'i wneud. Mae'n rhannu'r heriau yr ydym yn dal i'w hwynebu, a'n haddewid i wella iechyd pobl a'i gwneud hi'n haws cael mynediad at ofal ledled canolbarth a gorllewin Cymru.
Rydym yn deall bod risgiau i gyflawni ein cynllun ar gyfer 2026/27, yn enwedig o ran cael digon o staff a rheoli ein harian. Ac er ein bod wedi cynllunio'n ofalus, rydym hefyd yn gwybod bod rhai pethau y tu hwnt i'n rheolaeth. Rydym wedi nodi'r risgiau hyn yn y cynllun, ynghyd â'r hyn y byddwn yn ei wneud i'w lleihau.
Rydym hefyd wedi diweddaru sut mae ein pwyllgorau'n gweithio i wneud pethau'n gliriach ac yn fwy trefnus. Mae pob pwyllgor yn gyfrifol am wirio cynnydd yn erbyn y nodau yn y Cynllun Blynyddol sy'n ymwneud â'u maes gwaith.
Byddwn yn gwirio ein cynnydd drwy gydol y flwyddyn ac yn rhannu diweddariadau ar sut rydym yn gwneud.