Beth fydd yn digwydd wedi i chi wneud cais ar gyfer y Rhaglen Brentisiaeth?
Ar ôl y dyddiad cau, estynnir gwahoddiad i chi i fynd i ddiwrnod asesu yn eich sir eich hun os byddwch wedi llwyddo i gyrraedd y rhestr fer.
Bydd hwn yn ddiwrnod llawn hwyl ac yn gyfle i chi gwrdd â ni, yn ogystal â chael rhagor o wybodaeth am y rhaglen. Bydd angen i chi ddod â phecyn cinio a diodydd gyda chi i'r diwrnod hwn.
Gofynnir i chi ddod â'r dogfennau canlynol gyda chi. Darllenwch yr wybodaeth hon yn ofalus:
- prawf o fod â hawl i weithio yn y DU
- prawf o hunaniaeth
- bydd hefyd yn ofynnol i chi ddarparu tystiolaeth ar gyfer gwiriad y DBS (y Gwasanaeth Datgelu a Gwahardd)
Bydd gwybodaeth benodol am y dogfennau sy'n ofynnol gennym i'w gweld yn yr hysbyseb am y swydd wag ar wefan NHS Jobs.
