Bwletin - Rhifyn 34 - Cyhoeddwyd 1 Medi 2021

Croeso i rifyn 34 o fwletin Bwrdd Iechyd Prifysgol Hywel dda ar y brechlyn

Bydd y digwyddiad wythnosol hwn yn rhoi’r wybodaeth ddiweddaraf mewn perthynas â chynnydd y Rhaglen Brechu Torfol COVID-19 ar draws Sir Gaerfyrddin, Ceredigion a Sir Benfro.

Mae pob person 16 a 17 oed bellach wedi derbyn eu cynnig o frechlyn COVID-19, gyda'r holl apwyntiadau wedi'u hamserlennu erbyn diwedd mis Awst. Mae clinigau cerdded i mewn hefyd ar agor ym mhob canolfan brechu torfol (agor mewn dolen newdd) BIP Hywel Dda, gan gynnig cyfle i'r rheini gael eu brechu pan yn gyfleus.

Mae apwyntiadau yn cael eu trefnu ar gyfer pobl ifanc 12 i 15 oed sy'n gymwys i gael y brechlyn fel y nodwyd gan y JCVI. Os ydych chi o dan 16 oed, peidiwch â mynychu clinig cerdded i mewn. Dylid gwneud apwyntiad trwy ffonio 0300 303 8322 neu e-bostio COVIDenquiries.hdd@wales.nhs.uk

Mae manteisio ar y cynnig o dderbyn y frechlyn yn bwysig i bawb, yn enwedig i bobl ifanc fel eu bod mewn risg is o effeithiau coronafeirws nawr ein bod yn gallu cymdeithasu mwy.

Mae hynny’n golygu ein bod yn awr:

yn darparu dos cyntaf i oedolion 18 oed a hŷn sydd heb eu brechu, fel nad oes neb yn cael ei adael ar ôl
Dosau cyntaf ar gyfer plant cymwys 12 i 15 oed a nodwyd gan JCVI
Dos cychwynnol ar gyfer pobl ifanc 16 a 17 oed
Ail ddos i bawb sy’n gymwys.– cysylltwch â ni (agor mewn dolen newydd) os yw wedi bod yn fwy nag 8 wythnos ers eich dos cyntaf i wneud apwyntiad neu fynd i'ch clinig cerdded i mewn agosaf (agor mewn dolen newydd).

Adleoli Canolfan Frechu Torfol Caerfyrddin

Ddydd Gwener 3 Medi, bydd y ganolfan frechu dorfol sydd wedi’i lleoli ar gampws Prifysgol Cymru y Drindod Dewi Santy ng Nghaerfyrddin yn symud o Ganolfan Gynadledda Halliwell i hen Feithrinfa Gamfa Wen ar yr un safle. Bydd arwyddion ar waith i gyfeirio pobl i'r lleoliad newydd.

Bydd y ganolfan ar gau tan ddydd Sul 5 Medi. Cyhoeddir amseroedd agor y ganolfan yn ei lleoliad newydd yn Gamfa Wen ar ein gwefan cyn gynted â phosibl. Gwelwch dudalen canolfannau brechu torfol (aogr mewn dolen newydd) am fwy o wybodaeth.

Diweddariad Fan Brechu Torfol

Yn dilyn llwyddiant ein fan brechu symudol mewn partneriaeth â Gwasanaeth Tân ac Achub Canolbarth a Gorllewin Cymru (agor mewn dolen newydd), mae cynlluniau ar waith i ddychwelyd i leoliadau yr ymwelwyd â hwy o'r blaen i bobl dderbyn eu hail ddos o’r brechlyn. Bydd dosau cyntaf yn dal i fod ar gael o'r fan brechu torfol.

Darperir gwybodaeth bellach am amseroedd a lleoliadau cyn gynted â phosibl ar ein gwefan, sianeli cyfryngau cymdeithasol a'r cyfryngau lleol.

Grŵp Blaenoriaeth	Nifer â frechwyd gyda'r dôs gyntaf	Canran derbyn dôs gyntaf	Nifer â frechwyd gyda'r ail dôs	Canran derbyn yr ail dôs
P1.1 Preswylwyr cartrefi gofal sy'n oedolion hŷn	2,489	96.4%	2,167	84.0%
P1.2 - Gweithwyr cartrefi gofal	3,503	100.3%	3,315	94.9%
P2.1 - Pob un 80 oed a hŷn	22,850	100.0%	22,082	96.6%
P2.2 a 2.3 - Gweithwyr iechyd a gofal cymdeithasol	25,999	99.2%	25,077	95.7%
P3 - Pob un 75 oed a hŷn	18,707	95.9%	18,360	94.1%
P4.1 - Pob un 70 oed a hŷn	25,078	95.4%	24,680	93.9%
P4.2 - Unigolion eithriadol o agored i niwed yn glinigol	8,783	88.7%	8,449	85.3%
P5 – Pob un 65 oed a hŷn	21,741	91.0%	21,369	89.5%
P6 - pob unigolyn rhwng 16 a 64 oed â chyflyrau iechyd sylfaenol sy'n eu rhoi mewn mwy o berygl o glefyd difrifol a marwolaeth (grwpiau mewn risg) a gofalwyr di-dâl	39,215	87.9%	37,271	83.5%
P7 - Pob un 60 oed a hŷn	13,467	69.2%	13,265	68.2%
P8 - Pob un 55 oed a hŷn	14,985	80.6%	14,662	78.8%
P9 - Pob un 50 oed a hŷn	15,525	95.5%	15,090	92.8%
P10 - Grwpiau blaenoriaeth eraill neu heb eu dyrannu	77,978	50.8%	62,586	40.7%
45 - 49 oed	11,189	70.8%	10,641	67.3%
40 - 44 oed	10,627	69.9%	9,798	64.5%
35 - 39 oed	11,173	69.2%	9,948	60.0%
30 - 34 oed	11,450	67.3%	9,654	55.3%
25 - 29 oed	10,849	62.2%	8,757	50.2%
20 - 24 oed	12,939	68.6%	9,836	52.1%
15 - 19 oed	9,693	64.2%	3,949	26.2%
Cyfanswm:	290,321	75.0%	268,373	69.3%