Ailddechrau gwasanaethau

Yn ystod y pandemig COVID-19 rydym wedi parhau i ddarparu gofal a thriniaethau brys i’n cleifion, er bod llawer o’n hapwyntiadau a’n triniaethau mwy arferol wedi cael eu gohirio.

Wrth i ni weld llai o achosion o COVID-19 yn ein hysbytai rydym yn bwriadu mynd ati’n araf i ailddechrau llawer o’r gwasanaethau a gafodd eu hatal, ond mae’r ffordd y mae’r gwasanaethau hynny’n cael eu darparu’n awr wedi newid er mwyn cydymffurfio â mesurau cadw pellter cymdeithasol.

Yn yr un modd â sefydliadau eraill y GIG, byddwn yn trefnu triniaethau cleifion yn nhrefn eu blaenoriaeth o safbwynt clinigol. Fodd bynnag, bydd angen i gleifion fod yn barod i aros yn hirach nag y byddent wedi aros cyn y pandemig COVID-19.

Sylwer – os byddwch yn cael llawdriniaeth (wedi’i chynllunio) a drefnwyd ymlaen llaw yn un o’n hysbytai, byddwch yn cael prawf COVID-19 a bydd gofyn wedyn i chi hunanynysu nes y byddwch yn cael eich derbyn i’r ysbyty.

Dylech gysylltu â’ch meddyg teulu os yw eich cyflwr clinigol wedi newid o gwbl. Os oes gennych unrhyw gwestiynau eraill, dylech ddefnyddio’r wybodaeth a ddarparwyd yn llythyr(au) eich apwyntiad i gysylltu â’r gwasanaeth perthnasol. Os nad yw’r wybodaeth honno gennych, dylech gysylltu â’r Gwasanaeth Cymorth i Gleifion a fydd yn gallu eich helpu.

Cliciwch ar un o’r gwasanaethau isod i gael y wybodaeth ddiweddaraf.

Rhannwch: