Bydd pobl yn teimlo y gallant ddychwelyd i'r gwaith ar wahanol adegau a bydd hyn yn dibynnu ar sut rydych chi'n gwella a beth yw eich swydd. Os ydych wedi bod yn sâl iawn efallai y bydd yn rhaid i chi gymryd mwy o amser i ffwrdd o'r gwaith nag yr oeddech chi'n meddwl i ddechrau er mwyn caniatáu i'ch corff a'ch meddwl wella'n dda. Efallai y bydd angen dychwelyd yn raddol i'r gwaith, felly siaradwch â'ch rheolwr a chael cyngor Iechyd Galwedigaethol / Meddyg Teulu os oes angen. Dilynwch ganllawiau lleol a chenedlaethol ar hunan-ynysu mewn perthynas â COVID-19 cyn dychwelyd i'r gwaith.
Gall poeni ynghylch gwaith ac arian gael effaith fawr ar eich iechyd a'ch llesiant cyffredinol.